صدر مملکت ڈاکٹر عارف علوی نے انتخابی اصلاحات بل2021 پر دستخط کر دیئے۔
انتخابی اصلاحات بل2021 پر دستخط کی تقریب سے خطاب کرتے ہوئے صدر مملکت نے کہا کہ انتخابی اصلاحات کیلئے انتھک کوششوں پر وزیراعظم کو مبارکباد دیتا ہوں۔
صدر نے کہا کہ گزشتہ تمام انتخابات میں دھاندلی کے الزامات عائد ہوتے رہے تاہم ای وی ایم سےشفاف انتخابات کے انعقاد میں سہولت ہوگی، ای وی ایم سےووٹوں کی چوری جیسےالزامات کاخاتمہ ہوگا۔
ڈاکٹر عارف علوی نے کہا کہ اب آپ کا بیلٹ پیپر آپ کےسامنے پرنٹ ہو گا الیکٹرونک ووٹنگ مشین کیلکولیٹرکی طرح کام کرتی ہے، 2013الیکشن میں بیلٹ باکس اورپریذائیڈنگ افسران غائب ہوئےتھے لیکن ووٹنگ مشین کے ذریعے الیکشن کا نتیجہ فوری آپ کےسامنے ہو گا۔
ان کا کہنا تھا کہ اوورسیز پاکستانیوں کو بھی اتنا ہی حق ہےجتنا عام پاکستانیوں کا ہے پاکستان اس وقت ترقی کرےگا جب عام پاکستانی جدت کو اپنائے گا۔
اے آر وائی نیوز کی ڈیجیٹل ڈیسک کی جانب سے شائع کی گئی خبریں