لندن: شہزادی لیڈی ڈیانا کی زندگی پر مبنی دستاویزی فلم ’دی کوئین‘ 30 جون کو برطانیہ کے سینما گھروں میں ریلیز کی جائے گی۔
ہالی ووڈ کے معروف ڈائریکٹر ایڈ پرکنز کی ہدایت کاری میں بننے والی لیڈی ڈیانا کی زندگی پر بنائی گئی دستاویزی فلم ’دی پرنسز‘ ریلیز کے لئے تیار کر لی گئی جسے 30 جون کو برطانیہ کے سنیما گھروں میں نمائش کے لیے پیش کیا جائے گا۔
اس فلم میں فلمساز نے شہزادی ڈیانا کی زندگی کی سینکڑوں گھنٹے کی فوٹیج کے ذریعے ان لمحات کو فلمانے کی کوشش کی ہے جس میں ان کی جوانی سے لے کر 31 اگست 1997 کو 36 سال کی عمر میں ان کی موت اور اس کے نتیجے میں سوگ کے غیرمعمولی مناظر شامل ہیں۔
انہوں نے امید ظاہر کی کہ ان کا فلم سازی کا انداز ناظرین کو لیڈی ڈیانا کے ساتھ اپنے تعلق کا ازسر نو تجزیہ کرنے کی ترغیب دے گا۔
🇬🇧 "The definitive Princess Diana documentary" – Rolling Stone
London! Don't miss the UK premiere of #Sundance 2022 doc THE PRINCESS at @CentralPictureH on 9 June: https://t.co/f3lwCvi4Ba #SundanceLondon @AltitudeFilms pic.twitter.com/2g3pD5QzdQ
— SundanceFilmFestival (@sundancefest) June 3, 2022
فلمساز کا کہنا تھا کہ لیڈی ڈیانا کی کہانی بیان کرتے ہوئے جس حصے پر سب سے کم توجہ دی گئی اور جو میرے لیے سب سے زیادہ دلچسپی رکھتا ہے وہ یہ کہ ان کی کہانی ہم سب کے بارے میں کیا کہتی ہے؟ اسی سوچ کے ساتھ یہ دستاویزی فلم تیار کی گئی ہے۔
یاد رہے کہ 1981 میں محض 20 سال کی عمر میں لیڈی ڈیانا کی شادی شہزادہ چارلس سے ہوگئی تھی اور وہ عالمی توجہ کا مرکز بن گئیں۔
بعد ازاں لیڈی ڈیانا کی شہزادہ چارلس سے 1996 میں طلاق ہوگئی تھی جس کے ایک سال بعد 1997 میں وہ فرانسیسی دارالحکومت پیرس میں کار حادثے میں ہلاک ہوگئی تھیں۔
