The news is by your side.

Advertisement

جنوبی پنجاب کی ترقی کا حقیقی سفر شروع ہوچکا: عثمان بزدار

لاہور: وزیراعلیٰ پنجاب عثمان بزدار نے کہا ہے کہ جنوبی پنجاب کی ترقی کا حقیقی سفر شروع ہوچکا ہے جو اب رکے گا نہیں، نئے اضلاع اور تحصیلیں بنانے کا فیصلہ میرٹ پر کریں گے۔

تفصیلات کے مطابق وزیراعلیٰ پنجاب عثمان بزدار سے صوبائی وزیر آبپاشی محسن لغاری نے ملاقات کی۔ اس موقع پر محسن لغاری نے جنوبی پنجاب سیکرٹریٹ کے لیے افسران کی تقرری پر مبارک باد دی۔

ملاقات میں عثمان نے کہا کہ جنوبی پنجاب سیکرٹریٹ کا قیام ہماری حکومت کا وعدہ تھا جو پورا کیا، سیکرٹریٹ کے قیام سے مقامی لوگوں کو لاہور نہیں آنا پڑے گا۔

ان کا کہنا تھا کہ جنوبی پنجاب کی ترقی کاحقیقی سفر شروع ہوچکا ہے جور کے گا نہیں، نئے اضلاع اور تحصیلیں بنانے کا فیصلہ میرٹ پر کریں گے، صوبے کے کسی علاقے کو نظر انداز کیا ہے نہ کریں گے۔

وزیراعلیٰ پنجاب کا مزید کہنا تھا کہ راجن پور کی تحصیل جام پور کو ترقی کے سفر میں ساتھ لے کر چلیں گے۔

خیال رہے کہ حالیہ دنوں وزیراعلیٰ پنجاب نے صوبے کی ترقی کے لیے دو بڑے اقدام اٹھائے، اسپتالوں میں آکسیجن سلنڈرز کی بروقت فراہمی کے لیے پنجاب میں آکسیجن گیس کے لیے حکومت نے خود پلانٹ لگانے کا فیصلہ کیا ہے اس کے علاوہ عثمان بزدار نے جنوبی پنجاب سیکرٹریٹ کیلئے سیٹ اپ کی منظوری بھی دی۔

fb-share-icon0
Tweet 20

Comments

comments

یہ بھی پڑھیں