The news is by your side.

Advertisement

سی پیک سے جڑے خوابوں کی تعبیر کا وقت آگیا، فردوس عاشق اعوان

اسلام آباد : وزیراعظم کی معاون خصوصی برائے اطلاعات فردوس عاشق اعوان نے کہا ہے کہ سی پیک سے جڑےخوابوں کی تعبیر کا وقت آگیا ہے، بلوچستان قدرتی وسائل سے مالا مال ہے انشااللہ بلوچستان جلد ترقی اور خوشحالی سے ہمکنار ہو گا۔

تفصیلات کے مطابق وزیراعظم کے دورہ کراچی اور حب میں پاور اسٹیشن کے افتتاح کے حوالے سے سماجی رابطے کی ویب سائٹ ٹوئٹر پر ردعمل دیتے ہوئے معاون خصوصی برائے اطلاعات فردوس عاشق اعوان نے کہا کہ پاک چین مشترکہ پاورپلانٹ کا افتتاح نہایت خوش آئندہے، سی پیک منصوبوں پرعملدرآمد کی مخلصانہ کاوشیں رنگ لارہی ہیں اور اب سی پیک سےجڑے خوابوں کی تعبیرکا وقت آگیا ہے۔

معاون خصوصی نے کہا کہ سندھ اور بلوچستان پاکستان کے 2 خوبصورت گلدستے ہیں، وزیر اعظم سندھ،بلوچستان کی پسماندگی دور کرنے کیلئےکوشاں ہیں اور وزیراعظم عوام کےمعیارزندگی کوبلندکرنےکیلئےمخلصانہ کاوشیں کر رہےہیں جب کہ موجودہ حکومت نےشفافیت اوربدعنوانی کیخلاف عزم کررکھاہے۔

فردوس عاشق اعوان کا کہنا تھا کہ بلوچستان قدرتی وسائل سےمالا مال ہے انشااللہ بلوچستان جلد ترقی اور خوشحالی سے ہمکنار ہو گا۔

واضح رہے کہ گزشتہ روز وزیراعظم عمران خان نے بلوچستان کے شہر حب میں 1320 میگاواٹ پاور پلانٹ کا افتتاح کیا تھا، یہ پاور اسٹیشن چین کے تعاون سے بنایا گیاہے۔

افتتاحی تقریب سے خطاب کرتے ہوئے وزیراعظم کا کہنا تھا کہ 185 ارب ٹن کا کوئلہ موجود ہے، تھر کے کوئلے سے 100 سال تک بجلی دے سکتے ہیں میں 20 فیصد کوئلہ تھر سے لانے کی گزارش کرتا ہوں، یہ سی پیک کا پہلا جوائنٹ منصوبہ ہے جس کے افتتاح پر خوش ہوں۔

Comments

comments

یہ بھی پڑھیں