The news is by your side.

Advertisement

کرونا کی موجودہ صورت حال میں لیڈرشپ کا کردار اہم ہے،وزیراعظم

اسلام آباد: وزیراعظم عمران خان نے کہا ہے کہ ملک کے معاشی حالات کے پیش نظرلاک ڈاؤن ممکن نہیں ہے۔

تفصیلات کے مطابق وزیراعظم عمران خان کا کہنا ہے کہ کرونا کی موجودہ صورت حال میں لیڈرشپ کا کردار اہم ہے،ایک طبقےمیں کرونا سے متعلق ابھی بھی غلط فہمیاں ہیں جنہیں دور کرنے کی ضرورت ہے۔

وزیراعظم نے کہا کہ ملک کے معاشی حالات کے پیش نظر لاک ڈاؤن ممکن نہیں،ایک طرف کرونا سے خطر ہ ہے، دوسری طرف غربت بھی بڑا چیلنج ہے،معاشرے میں اضطراب کے بجائےصورت حال کا مقابلہ کرنا ہوگا۔

وزیراعظم پاکستان کا کہنا تھا کہ حفاظتی اقدامات پر عمل پیرا ہو کر کرونا کے پھیلاؤ کو محدود کیا جاسکتا ہے،عوام کو حفاظتی اقدامات اختیار کرنے کی ترغیب دی جائے،ایس اوپیز پر سختی سے عمل درآمد کرایا جائے۔

وفاقی کابینہ اجلاس، حکومت کا پاکستان اسٹیل ملز کی نجکاری کا اصولی فیصلہ

اس سے قبل وزیراعظم عمران خان کی زیر صدارت وفاقی کابینہ کا اجلاس ہو اتھا جس میں حکومت نے پاکستان اسٹیل ملز کی نجکاری کا اصولی فیصلہ کیا۔اجلاس میں طے پایا کہ وفاقی حکومت اسٹیل ملز کی نجکاری کرے گی، ملازمین کو گولڈن ہینڈ شیک دینے پر اتفاق کیا گیا۔

اجلاس سے خطاب کرتے ہوئے وزیراعظم عمران خان کا مزید کہنا تھا کہ ملکی مفاد کے ساتھ ساتھ مزدوروں کا بھی خاص خیال رکھا جائے۔

Comments

یہ بھی پڑھیں