site
stats
اہم ترین

حکومت سانحہ کوئٹہ میں بہنے والاخون رائیگاں نہیں جانے دے گی،وزیراعظم نوازشریف

اسلام آباد: وزیر اعظم نواز شریف کا کہنا ہےحکومت سانحہ کوئٹہ میں بہنے والاخون رائیگاں نہیں جانے دے گی،پرامن،مستحکم اور خوشحال پاکستان کے ثمرات ہر شہری تک پہنچیں گے.

تفصیلات کے مطابق اسلام آباد میں وزیراعظم نوازشریف کی زیر صدارت قومی سلامتی کے حوالے سے اہم اجلاس ہوا،اجلاس میں وزیراعظم کے معاون خصوصی طارق فاطمی سمیت وزیر خزانہ اسحاق ڈار،مشیر خارجہ سرتاج عزیز اوراعلیٰ سرکاری حکام نے بھی شرکت کی.

اجلاس میں ملک کی داخلی سلامتی کی صورتحال اور نیشنل ایکشن پلان پر عملدرآمد کا جائزہ لیا گیا جبکہ وزیر داخلہ چودہری نثاراورمشیر قومی سلامتی ناصرجنجوعہ نے بریفنگ بھی دی.

اجلاس کے دوران وزیر اعظم کا کہنا تھا کہ حکومت سانحہ کوئٹہ میں بہنے والاخون رائیگاں نہیں جانے دے گی،ہم ایک نظریےکےخلاف جنگ میں مصروف ہیں جو ہمارا طرززندگی بدلنا چاہتے ہیں،قوم متحد ہے اوردہشت گردوں کے مکمل صفایا کےلیے حکومت کے ساتھ ہے.

وزیراعظم نے کہا کہ ملک کو درست راستے پر گامزن کر دیا ہے جبکہ پرامن،مستحکم اور خوشحال پاکستان کے ثمرات ہر شہری تک پہنچیں گے اور ہم ملک کو ہر قسم کی دہشت گردی و انتہاپسندی سے پاک کریں گے.

وزیر اعظم نواز شریف نے کہا کہ فاٹا میں کامیاب آپریشن کے بعد دہشت گرد مایوس ہو کر اہداف تبدیل کر رہے ہیں،دہشت گرد سمجھتے ہیں وہ قوم میں عدم برداشت اور اختلاف کے بیج بوسکتے ہیں.

انہوں نے مزید کہا کہ بہترنتائج کےلیے قانون نافذ کرنے والے ادارے ایک دوسرے سے تعاون بڑھائیں جب کہ وفاقی اور صوبائی حکومتوں میں بھی رابطہ کاری بہتر بنانے کی ضرورت ہے.

Print Friendly, PDF & Email
20

Comments

comments

اس ویب سائیٹ پر موجود تمام تحریری مواد کے جملہ حقوق@2018 اے آروائی نیوز کے نام محفوظ ہیں

To Top