قسمت مہربان: سعودی شہری کے دن پھر گئے

ریاض: دبئی لاٹری میں طارق نامی سعودی شہری نے 37 لاکھ 50 ہزار ریال جیت لیے۔

عرب میڈیا کی رپورٹ کے مطابق دبئی ڈیوٹی فری لاٹری میں سعودی شہری نے 10 لاکھ ڈالر جیتے، شہری کا نام طارق ہے اور وہ بحرین میں مقیم ہے۔

رپورٹ میں بتایا گیا کہ دبئی ڈیوٹی فری لاٹری انتظامیہ کے مطابق انعام جیتنے والا سعودی شہری 2002 سے ٹکٹ خرید کر قسمت آزائی کر رہا تھا اور اب اس کا نصیب چمک اٹھا۔

انتظامیہ کا کہنا ہے کہ بالآخر مذکورہ شہری کا پہلا انعام نکل آیا اور یہ 10 لاکھ ڈالر یعنی 37 لاکھ 50 ہزار ریال کے برابر ہے، لاٹری جیتنے والا اس وقت بحرین میں ہے۔

خیال رہے کہ دبئی ڈیوٹی فری لاٹری 1999 میں شروع ہوئی تھی، اب تک 10 سعودی شہری پہلا انعام جیتنے میں کامیاب ہوئے ہیں۔

Comments