The news is by your side.

Advertisement

کرفیو سے متعلق سعودی حکومت نے شہریوں کو خبردار کردیا

ریاض: سعودی حکومت نے شہریوں کو خبردار کیا ہے کہ کرفیو میں نرمی اس وقت تک برقرار رہے گی جب تک عوام کرونا کے خلاف حفاظتی انتظامات یقینی بنائیں گے۔

غیرملکی خبررساں ادارے کی رپورٹ کے مطابق سعودی وزارت داخلہ کے ترجمان طلال الشلھوب نے لوگوں کو متنبہ کیا ہے کہ کرفیو میں نرمی ریلیف کے طور پر دیا گیا اس ضمن میں اگر غیرحفاظتی اقدامات کیے گئے تو کارروائی ہوگی۔

انہوں نے عندیہ دیا کہ عوام کی غیرسنجیدگی کی صورت میں کرفیو میں نرمی ختم بھی کی جاسکتی ہے، جبکہ شہری سماجی فاصلہ سمیت دیگر احتیاطی تدابیر اپناتے رہے تو معمولات زندگی بحال بھی ہوسکتی ہے۔

کورونا وائرس ، سعودی عرب کا ایک اور بڑا فیصلہ

ترجمان نے اپیل کی کہ اگر کوئی سعودی شہری یا مقیم غیرملکی کہیں بھی کوئی اجتماع یا تقریب یا بھیڑ بھاڑ دیکھے پہلی فرصت میں (کلنا امن) ایپلی کیشن کے ذریعے اس کی اطلاع دے۔

خیال رہے کہ گزشتہ روز سعودی عرب نے جزوی طور پر کرفیو ختم کرنے کا اعلان کیا تھا، فیصلے پر 3 رمضان سے 20 رمضان المبارک تک صبح 9 سے شام 5 بجے تک عمل درآمد ہوگا جبکہ تمام شہروں کے برعکس مکہ مکرمہ میں کرفیو میں نرمی نہیں کی گئی۔ جبکہ مملکت میں کرونا مریضوں کی مجموعی تعداد 17522 ہوگئی ہے۔

Comments

یہ بھی پڑھیں