The news is by your side.

Advertisement

‘کرونا کی دوسری لہر پہلے سے زیادہ خطرناک ہوسکتی ہے’

لاہور: گورنرپنجاب چوہدری محمد سرور نے خبردار کیا ہے کہ اپوزیشن کی کرونا پر غیرسنجیدگی ملک وقوم کے لیے نقصان دہ ہوگی، وبا کی دوسری لہر پہلے سے زیادہ خطرناک ہوسکتی ہے۔

تفصیلات کے مطابق گورنر پنجاب چوہدری سرور سے صوبائی وزیر توانائی اختر ملک ودیگر نے ملاقات کی۔ اس موقع پر چوہدری محمد سرور کا کہنا تھا کہ مخالفین جلسوں کی سنچری کرلیں تو بھی حکومت جانے والی نہیں ہے۔

انہوں نے کہا کہ کرونا ایس اوپیز پر عمل نہ کرن والے اپنے اور دوسروں کے دشمن ہیں، امریکا جیسے حالات سے بچنے کے لیے کرونا ایس اوپیزپرعمل لازم ہے۔ عوام حکومت، جمہوریت اور پارلیمنٹ کے ساتھ متحد کھڑے ہیں، مڈٹرم انتخابات کی خواہش رکھنے والے 2023تک صبر کریں۔

گورنر کا کہنا تھا کہ عوام ترقی کی راہ میں رکاوٹیں ڈالنے والوں کو ناکام بنائیں گے۔

چوہدری محمدسرور نے ملاقات کے موقع پر یہ بھی کہا کہ حکومتی ایجنڈا عام آدمی کو مضبوط اور ہر شعبے میں ریلیف دینا ہے، سرکاری یونیورسٹیز کو سولر پر منتقل کرنے کا کام تیزی سے جاری ہے۔

ان کا مزید کہنا تھا اپوزیشن اپنے مقاصد میں ناکام ہوچکی ہے۔

Comments

یہ بھی پڑھیں