The news is by your side.

Advertisement

سعودی عرب میں کرونا کی دوسری لہر سے متعلق حکومت کا اہم بیان

ریاض: سعودی وزارت صحت کے ترجمان ڈاکٹر محمد العبد العالی نے کہا ہے کہ دنیا بھر میں کرونا پھیل رہا ہے، تاہم ابھی تک سعودی عرب میں وبا کی دوسری لہر نہیں آئی۔

تفصیلات کے مطابق اپنے ایک بیان میں ڈاکٹر محمد العبد العالی کا کہنا تھا کہ سعودی عرب میں کرونا متاثرین کی تعداد کبھی بڑھ رہی ہے تو کبھی کم، ملک میں کرونا کی دوسری لہر نہیں آئی اور وبا کے خاتمے کا کچھ کہنا قبل از وقت ہوگا۔

انہوں نے کہا کہ دنیا بھر میں کرونا کے خاتمے کی حتمی رائے یا تاریخ سامنے نہیں آئی، مملکت میں انتہائی نگہداشت کے پچاس فیصد مریضوں کی عمریں 60 برس سے زیادہ ہیں، جن میں بیشتر لاعلاج امراض میں مبتلا ہیں۔

’اگر خدا نخواستہ دوسری لہر آئی تو۔۔۔‘ سعودی وزارت صحت کی بڑی یقین دہانی

ترجمان کا کہنا تھا کہ سعودی اسپتالوں اور ہیلتھ سینٹرز میں صحت انتظامات اعلیٰ درجے کے ہیں، کرونا علامات کی موجودی پر شہری فوری طور پر ڈاکٹرز سے رجوع کریں، بچوں کی ویکسین بھی وقت پر لگوائیں، پانچ لاکھ سے زیادہ افراد ’تاکد سینٹرز‘ اور ’تطمن کلینکس‘ سے خدمات حاصل کرچکے ہیں۔

خیال رہے کہ خصوصی قائم کردہ تاکد سینٹرز اور تطمن کلینکس میں ملکی وغیرملکیوں کے کرونا ٹیسٹ کیے جاتے ہیں۔

Comments

یہ بھی پڑھیں