The news is by your side.

Advertisement

بھارتی فورسز کا نام نہاد آپریشن، مزید 3 کشمیری نوجوان شہید

سری نگر: بھارتی فورسز نے مقبوضہ کشمیر میں نام نہاد آپریشن کے نام پر مزید 3 کشمیری نوجوانوں کو شہید کردیا۔

کشمیر میڈیا سروس کی رپورٹ کے مطابق بھارتی فوج نے سری نگر کے علاقے لاوے پورہ میں نام نہاد آپریشن کے نام پر مزید 3 کشمیری نوجوانوں کو شہید کردیا جن کی شناخت زبیر، اعجاز اور اطہر مشتاق کے نام سے ہوئی۔

کشمیر میڈیا سروس کے مطابق شہید نوجوانوں کا تعلق ضلع شوپیاں اور پلوامہ سے تھا، قابض افواج نے متعدد رہائشی مکانات کو بھی تباہ کردیا۔

سرچ آپریشن کے دوران قابض فورسز نے علاقے کا محاصر کیا اور اس دوران داخلی و خارجہ راستے سیل کردئیے گئے جبکہ انٹرنیٹ اور موبائل فون سروس بھی معطل رہیں۔

مزید پڑھیں: بھارتی فورسز کا نام نہاد آپریشن، مزید دو کشمیری شہید

کشمیر میڈیا سروس کا کہنا ہے کہ تینوں نوجوان سری نگر میں تعلیم کی غرض سے رہائش پذیر تھے تاہم بھارتی فوج نے روایتی ہٹ دھرمی کا مظاہرہ کرتے ہوئے نوجوانوں کو عسکریت پسند ظاہر کرنے کی کوشش کی۔

نوجوانوں کی شہادت کے بعد علاقہ مکینوں نے بھارتی فوج کی جارحیت کے خلاف احتجاجی مظاہرہ کیا اور جدوجہد آزادی کشمیر کے حق میں نعرے لگائے۔

واضح رہے کہ رواں سال اکتوبر میں بھی قابض بھارتی فورسز نے ضلع شوپیاں میں نام نہاد آپریشن کے دوران گھر پر فائرنگ کرکے 2 کشمیری نوجوانوں کو شہید کردیا تھا۔

Comments

یہ بھی پڑھیں