The news is by your side.

Advertisement

مکڑیوں نے ہرن کو بھی نہ بخشا، ناقابل یقین واقعہ

گیبورون: آپ نے ویران علاقے، گھر یا کمرے کے کونے کدھرے میں مکڑیوں کو جال بُنتے دیکھا ہوگا لیکن اس مرتبہ انہوں نے ایسی جگہ کا انتخاب کیا جو آپ کو ورطہ حیرت میں ڈال دے گا۔

جنوبی افریقی ملک بوٹسوانا میں مکڑیوں نے ہرن کے سینگوں کے بیچ جال بُن کر سب کو دم بخود کردیا، اس حوالے سے تصویر نے سوشل میڈیا پر دھوم بچادی، صارفین کو یہ حقیقت تسلیم کرنا مشکل ہوگیا۔ مکڑیوں کو چلتے پھرتے کارخانے بھی کہا جاتا ہے، ان کی وجہ شہرت شاندار جال بننا ہے۔

بوٹسوانا کے سفاری پارک کی سیر پر گئی جیس ایسڈن نامی برطانوی خاتون کو اس وقت حیرت کا سامنا ہوا جب انہوں نے سینگوں پر جالوں والا ہرن دیکھا، ابتدائی طور انہیں بھی سمجھ نہیں آرہا تھا کہ جانور کے سر پر کیا لگا ہے۔

ایسڈن کا کہنا ہے کہ گاڑی کو ہرن کے قریب لے کر گئی تو ہرن کے سینگوں پر موٹی مکڑی کا جالا واضح ہوا، مکڑیوں کے جالے نے جانور کے چہرہ اور ناک کو بھی اپنی لپیٹ میں لیا ہوا تھا۔

خاتون نے بتایا کہ ہرن، مکڑیوں کے جالے سے بالکل بھی پریشان نہیں تھا اور وہ اپنی معمول کی زندگی بسر کررہا ہے۔ خیال رہے کہ یہ تصویر گزشتہ سال لی گئی تھی لیکن ایسڈن نے لندن جانے کے بعد دوبارہ اسے اپ لوڈ کی۔

Comments

یہ بھی پڑھیں