اسلام آباد: وزیراعظم کے معاون خصوصی عثمان ڈار نے قرض حاصل کرکے اپنا کاروبار شروع کرنے والے ایک اور کامیاب جوان کی کہانی ٹوئٹ کردی۔
تفصیلات کے مطابق کامیاب جوان پروگرام کے تحت کاروباری قرضہ جات کی تقسیم میں تیزی آگئی، ملک بھر سے کامیاب جوانوں میں 22 ارب سے زائد قرضوں کی تقسیم مکمل ہوئی۔ ادھر اسلام کوٹ کے رہائشی راج کمار نے بھی قرض کی رقم سے پھلوں اور سبزیوں کا کامیاب کام شروع کیا۔
راج کمار کا کہنا ہے کہ کاروبار کو وسعت دینے کے لیے سرمایے کی ضرورت تھی، پروگرام سے آسانی سے ایک ماہ کے دورانیے میں قرضہ منظور ہوا، پہلے سے کاروبار اب بہت بہتر چل رہا ہے، وزیراعظم کا شکر گزار ہوں۔
ملک بھرکیطرح سندھ میں بھی وزیراعظم @ImranKhanPTIکےوژن پرنوجوانوں کواپنےپاؤں پرکھڑاکرنےکامشن@KamyabJawanPKلےکرچل رہاہمجھےبتاتےہوئےخوشی ہورہی ہےکہ سندھ میں ابتک25,445نوجوانوں کی4.6ارب کی مددسےمالی وتعلیمی معاونت کی جاچکی ہے۔ ایسی ہی کہانی ہے@JSBLPak کےتوسط سےاسلام کوٹ کےراج کمار کی pic.twitter.com/cfalG9ik4J
— Usman Dar (@UdarOfficial) October 31, 2021
دریں اثنا عثمان ڈار نے کہا کہ کامیاب جوان پروگرام سے خالصتاً میرٹ قرض تقسیم کو یقینی بنا رہے ہیں، ہزاروں نوجوان قرضے حاصل کرکےکاروبار چلا رہے ہیں، وزیراعظم کی قیادت میں نوجوانوں کی حقیقی ترقی وخوشحالی کیلئے سرگرم ہیں، ہر ماہ 2سے 3ارب روپے کے قرضے منظور کیے جارہے ہیں۔
معاون خصوصی کا مزید کہنا تھا کہ 2 سال میں 22 ارب روپے سے قرض کی تقسیم بڑی کامیابی ہے، اسکیم سے نوجوانوں کو 100ارب کے قرضے دینے کا ہدف مکمل کریں گے۔
اے آر وائی نیوز کی ڈیجیٹل ڈیسک کی جانب سے شائع کی گئی خبریں