The news is by your side.

Advertisement

53 برس پہلے کھو جانے والی شے مالک کے پاس پہنچ گئی، دنیا حیران

واشنگٹن: امریکی ریاست کیلی فورنیا سے تعلق رکھنے والے بزرگ کو ان کا 53 سال پہلے کھو جانے والا بٹوا دوبارہ مل گیا جس پر انہیں خود بھی یقین نہیں آرہا۔

غیرملکی خبررساں ادارے کی رپورٹ کے مطابق سان ڈیاگو شہر سے تعلق رکھنے والے پال گریشم نامی ضعیف شہری برسوں پہلے برفانی خطے انٹارکٹیکا گئے تھے جہاں انہیں اپنے پرس سے محروم ہونا پڑا۔ لیکن حیران کن طور پر یہ شے انہیں 53 سال بعد دوبارہ مل گئی ہے۔

رپورٹ کے مطابق بٹوے میں موجود ہر شے صحیح سلامت بھی ہے۔پال گریشم کو 1967 میں سائنسدانوں کی سیکیورٹی پر انٹارکٹیکا مشن پر بھیجا گیا تھا جن کی اب عمر 91 برس ہے۔

بٹوہ 2014 میں ملا لیکن اسے مالک تک پہنچانے میں سات سال لگ گئے۔ دہائیوں بعد بٹوا ملنے پر خوشی کا اظہار کرتے ہوئے شہری کا کہنا تھا کہ مجھے اب تک یقین نہیں رہا کہ میرا بٹو مل گیا ہے۔

انہوں نے ان کی شے واپس پہنچانے پر متعلقہ انتظامیہ کا شکریہ بھی ادا کیا۔

Comments

یہ بھی پڑھیں