لندن: دنیا بھر کی سیکڑوں ایئرلائنز کی مانیٹرنگ کے بعد محفوظ ترین ایئرلائنز کا اعلان کردیا گیا۔
ایئرلائن ریٹنگز ڈاٹ کام نامی ویب سائٹ نے دنیا بھر کی 405 ایئرلائنز کے مسلسل مشاہدے اور تجزیے کے بعد قنٹاس ایئرلائن کو 2020 کے لیے سب سے محفوظ ایئرلائن قرار دیا ہے۔
یو اے ای کی دو ایئر لائنز فلائی ایمرٹیس اور اتحاد ایئرویز بھی ٹاپ ٹوئنٹی ایئرلائنز میں شامل ہیں۔
یہ بھی پڑھیں: 2 گھنٹے کی فلائٹ 2 دن میں پہنچی
محفوظ ترین ایئر لائنز کی اس فہرست میں ایئر نیوزی لینڈ، ای وی اے، اتحاد ایئر ویز، قطر ایئر ویز، سنگاپور ایئرلائنز،ایمرٹیس، الاسکا ایئرلائنز، کاتھائے پیسیفک ایئرویز، ورجن آسٹریلیا، ہاوائیں ایئرلائن، ورجن اٹلانٹک ایئرلائنز، ٹیپ پرتگال، ایس اے ای، رائل جورڈینین، سوئس، فنایئر نمایاں ہیں۔
اسی طرح سستی کرایے والی ایئرلائنز میں ایئر عربیہ پہلے نمبر پر ہے جب کہ فلائی بے، فرنٹیئر، ایچ کے ایکسپریس، انڈگو، جیٹ بیلو، وولارس، ویولنگ نمایاں ہیں۔
کم کرایے والی محفوظ ایئرلائنز کا انتخاب عوامی دلچسپی اور ان کی ڈیمانڈ کو مد نظر رکھتے ہوئے کیا گیا ہے۔
