ریاض: سعودی عرب میں پیش آنے والے خطرناک حادثے نے دل دہلا دیے، خوش قسمتی سے اس ہولناک واقعے میں کوئی جانی نقصان نہیں ہوا۔
عرب میڈیا کی رپورٹ کے مطابق سعودی دارالحکومت ریاض کے علاقے الافلاح میں خاتون ڈرائیور سے گاڑی بےقابو ہوکر پٹرول پمپ سے جاٹکرائی جس کے باعث اچانک آگ بھڑک اٹھی۔
حادثے کے مناظر سوشل میڈیا پر وائرل ہوئے۔ رپورٹ میں بتایا گیا کہ خاتون نے پٹرول بھروانے کے باعث گاڑی موڑنے کی کوشش کی تو کار اچانک پمپ کے ٹینک سے ٹکرا گئی۔
اس واقعے کے فوراً بعد آگ لگ گئی تاہم اطراف میں موجود لوگوں اور پٹرول پمپ کے عملے نے حاضر دماغی کا مظاہرہ کرتے ہوئے آگ بھجانے کی کوشش کی اور جانی ومالی نقصان سے بچا لیا۔
حادثے کے دوران خاتون ڈرائیور گاڑی سے اتر گئی تھیں جس کے باعث وہ بھی محفوظ رہیں۔
ڈرائیور کے رشتےداروں کا کہنا ہے کہ جی ایم سی نامی گاڑی کی ڈرائیور خاتون کا تعلق ریاض سے ہے اور وہ عید الاضحی کی تعطیلات گزارنے کے لیے الافلاج آئی ہوئی ہیں۔
