The news is by your side.

Advertisement

کروناوائرس: امریکا نے کمپنیوں سے اہم درخواست کردی

واشنگٹن: امریکی نائب صدر مائیک پینس نے کروناوائرس کے پیش نظر ماسک بنانے والی کمپنیوں سے درخواست کی ہے کہ وہ وبائی صورت حال کو دیکھتے ہوئے عطیہ کے طور پر ماسک اسپتالوں میں تقسیم کریں۔

غیرملکی خبررساں ادارے کی رپورٹ کے مطابق جان لیوا وائرس کے باعث امریکا میں بھی ایمرجنسی کی سی صورت حال ہے۔ مہلک وائرس سے لڑنے کے لیے اسپتالوں میں مصنوعات کی بھی قلت کی خبریں سامنے آچکی ہیں۔

ایسے میں امریکا کے نائب صدر نے N95 ماسک بنانے والی کمپنیوں سے التجا کی ہے کہ وہ وائرس سے لڑنے میں اپنی مدد بھی فراہم کریں اور ماسک کو عطیہ کے طور پر اسپتال میں تقسیم کریں۔

کرونا وائرس: چینی ارب پتی کی امریکا کے لیے امداد

مذکورہ درخواست مائیک پینس نے امریکا میں ایک پریس کانفرنس کے دوران کی۔

ان کا یہ بھی کہنا تھا کہ امریکی صدر ڈونلڈ ٹرمپ معاملے کو سنجیدگی سے دیکھ رہے ہیں۔ جبکہ ان کی ہدایت پر فوج کی بھی مدد لی جارہی ہے اور خصوصی آرمی اسپتالوں کے قیام پر کام شروع ہوچکا ہے۔

دوسری جانب چینی ارب پتی اور ای کامرس کمپنی علی بابا کے بانی جیک ما نے امریکا کے لیے 10 لاکھ ماسکس اور 5 لاکھ کرونا وائرس ٹیسٹنگ کٹس بھجوا دی ہیں۔

fb-share-icon0
Tweet 20

Comments

comments

یہ بھی پڑھیں