امریکی صدر جوبائیڈن نے کہا ہے کہ طالبان جائزحکومت کےطور پر خود کو تسلیم کرانا چاہتے ہیں۔
طالبان کی جانب سے امارات اسلامیہ کے اعلان پر ردعمل دیتے ہوئے امریکی صدر نے کہا کہ طالبان ایک وجودی بحران سےگزر رہے ہیں مجھےنہیں لگتاکہ طالبان تبدیل ہوئےہیں۔
انہوں نے کہا کہ طالبان جائزحکومت کےطور پر خود کو تسلیم کرانا چاہتے ہیں طالبان کو فیصلہ کرناہوگا جس سے عالمی برادری انہیں تسلیم کرے۔
امریکی صدر نے کہا کہ 31اگست تک افغانستان سےمکمل انخلا کرنا چاہتے ہیں ہم نےاسامہ کو مارا، افغانستان میں القاعدہ کوختم کیا ہمارےپاس دہشت گردی سےلڑنےکی صلاحیت ہے ہمیں انتہائی سنگین خطرات سے نمٹنے پر توجہ دیناہوگی دنیامیں خواتین کاتحفظ معاشی،سفارتی دباؤ سے حاصل کیاجاسکتا ہے۔
ان کا کہناتھا کہ افغانستان سے انخلا پر افراتفری ناگزیر تھی، افغان فورسز کو تربیت دی وہ ہار گئی اور افغان قیادت بھی ملک چھوڑ گئی۔