The news is by your side.

Advertisement

باصلاحیت ہاتھی کی ویڈیو سوشل میڈیا پر وائرل ہوگئی

آپ نے دیوقامت اور نایاب نسل کے ہاتھی تو دیکھیں ہوں گے لیکن حالیہ دنوں سوشل میڈیا پر ایسی ویڈیو وائرل ہورہی ہے جس میں ایک ہاتھی انسانوں کی طرح سلیقی سے سیڑھیوں کا استعمال کرتا دکھائی دے رہا ہے۔

غیرملکی خبررساں ادارے کی رپورٹ کے مطابق وائرل ہونے والی ویڈیو میں دیکھا جاسکتا ہے کہ ایک ہاتھی سڑک کنارے قائم کی گئیں سیڑھیوں کا مہذب انداز میں استعمال کررہا ہے۔ سوشل میڈیا پر صارفین نے انتہائی حیرت کا اظہار کیا۔

سماجی رابطے کی ویب سائٹ ٹوئٹر پر ایک صارف نے لکھا کہ لوگوں کو اس ہاتھی سے سیکھنا چاہیئے کہ ہر چیز کا ایک استعمال ہوتا ہے۔ خیال رہے کہ عمومی طور پر دیکھا گیا ہے کہ شہری کوفت کے باعث سڑکوں کے اوپر نصب پل کا استعمال نہیں کرتے جو کبھی کبھار جانی نقصان کا بھی سبب بنتا ہے۔

سوشل میڈیا صارفین نے اسی ضمن میں اس ویڈیو کو اہم قرار دیا۔ رپورٹ میں یہ واضح نہیں کیا گیا مذکورہ سڑک کہاں کی ہے۔ محکمہ وائیلڈ لائف کا کہنا ہے کہ ہاتھیوں میں ایسی صلاحتیں ہوتی ہیں کہ وہ محدود وسائل کو انسانوں کی طرح استعمال کرسکتے ہیں۔ واضح رہے کہ پوری دنیا میں تھائی لینڈ کے ہاتھیوں کی بڑی تعریفیں کی جاتی ہیں انہیں اگر تربیت دی جائے تو وہ انسانوں کی طرح لکڑیاں توڑ کر ایک جگہ جمع کرنے سمیت دیگر کام بھی کرسکتے ہیں۔

fb-share-icon0
Tweet 20

Comments

comments

یہ بھی پڑھیں