The news is by your side.

Advertisement

انتظار ختم! گرین لائن بسوں کو لانے والا جہاز کراچی پورٹ پر لنگر انداز

کراچی: شہرقائد کے لوگوں کیلئے انتظار کی گھڑیاں ختم ہوگئیں، گرین لائن بسوں کو لانے والا جہاز کراچی پورٹ پر لنگر انداز ہوگیا ہے۔

تفصیلات کے مطابق جہاز شیڈول سے ایک دن تاخیر سے کراچی پورٹ پہنچا۔ فین شن نامی جہاز میں40 بسیں ہیں، اس ضمن میں آج ساڑھے تین بجے اسٹیٹ آف آرٹ بسوں کی نقاب کشائی کی جائے گی۔

گرین لائن منصوبے کی بسوں کی آمد کی خوشی میں ریڈ کارپٹ ویلکم جیسے انتظامات کیے گئے ہیں۔

خیال رہے کہ بسوں کی آمد سے قبل ہی گورنرسندھ عمران اسماعیل نے ٹوئٹر پر کہا تھا کہ 42 گرین لائن بسوں کی پہلی کھیپ لانے والا جہاز عنقریب کراچی پورٹ پہنچ رہا ہے۔

ذرایع کا کہنا تھا کہ پہلے فیز میں گرین لائن سرجانی سے نمائش تک چلائی جائے گی، بسیں مکمل ایئرکنڈیشنڈ ہوں گی جن میں 200 سے 250 افراد کی گنجائش ہے، بس میں خواتین اور معذور افراد کے لیے بھی نشستیں مختص ہیں۔

گرین لائن منصوبے کے پہلے فیز کی بحالی کے لیے 80 بسیں مختص ہوں گی۔

Comments

یہ بھی پڑھیں