The news is by your side.

Advertisement

پوری قوم اے آر وائی نیوز کیساتھ کھڑی ہے، شیخ رشید احمد

پیپلز پارٹی کو چاہیے تھا اے آر وائی کی نشاندہی پر اپنی سمت درست کرتے، فیصل واوڈا

اسلام آباد : وفاقی وزیر ریلوے شیخ رشید نے اے آر وائی نیوز کو تنقید کا نشانہ بنانے کو کرارا جواب دیتے ہوئے کہا کہ اے آر وائی نیوز ایک حقیقت ہے جس کو پوری قوم سننا چاہتی ہے۔

غیر ملکی خبر رساں ادارے کی رپورٹ کے مطابق اے آر وائی نیوز صوبہ سندھ میں پاکستان پیپلز پارٹی کی شعبہ صحت میں سرانجام دی جانے والی کارکردگی عوام کے سامنے لائی تو صوبائی حکومت نے نشریاتی ادارے کے خلاف منظم مہم چلانا شروع کردی۔

حق و صداقت کی آواز اے آر وائی نیوز پر کے خلاف چلائی جانے والی مہم کے خلاف وفاقی وزیر ریلوے شیخ رشید احمد نے چینل کے خلاف ہرزہ سرائی کرنے والوں کو منہ توڑ جواب دیتے ہوئے کہا کہ اے آر وائی نیوز نے سندھ کے اسپتالوں کی صورتحال بتائی تو بلکل ٹھیک کیا ہے۔

شیخ رشید احمد کا کہنا تھا کہ پاکستان پیپلز پارٹی اپنے مذموم ارادوں میں ناکام ہوگئی، پوری قوم اے آر وائی نیوز کیساتھ کھڑی ہے۔

ان کا مزید کہنا تھا کہ اے آر وائی نیوز چینل پاکستان کے چوٹی چینلز کی فہرست میں ہے۔

فیصل واوڈا کا موقف

دوسری جانب وفاقی وزیر آبی وسائل فیصل واوڈا نے کہا کہ اے آر وائی کا قصور یہ ہے کہ انہوں نے سچ دکھایا ہے، پیپلز پارٹی نے اے آر وائی کے خلاف مہم کو نام دیا لعنت ہے، لعنت تو اس پر ہونی چاہیے جو پیپلز پارٹی نے صوبے اور ملک کے ساتھ کیا۔

فیصل واوڈا نے کہا کہ پیپلز پارٹی اربوں روپے کا گندم کھا گئی اور کرونا پر بھی سیاست کررہی ہے، پی پی اے آر وائی کے خلاف وال چاکنگ کرارہی ہے جو برداشت نہیں ہوگا، پہلے بھی کراچی سے غنڈا گردی کا دور ختم کرایا تھا آئندہ بھی ایسا کرینگے۔

وفاقی وزیر آبی وسائل نے کہا کہ اے آر وائی کے خلاف مہم چلانے پر پیپلز پارٹی کے وزراء کو شرم آنی چاہیے، پیپلز پارٹی کو تو چاہیے تھا اے آر وائی کی نشاندہی پر اپنی سمت درست کرتے، پیپلز پارٹی کی اے آر وائی کے خلاف مہم کی سخت مذمت کرتا ہوں۔

Comments

یہ بھی پڑھیں