The news is by your side.

Advertisement

موبائل پر کسی خاتون سے بات کیوں کی؟ بیوی نے شوہر کے ہوش ٹھکانے لگا دیے

ریاض: سعودی عرب میں شوہر کو کسی دوسری خاتون سے بات چیت کرنا مہنگا پڑگیا، بیوی نے موبائل پر پیغامات دیکھ لیے اور خلع لینے عدالت پہنچ گئی۔

غیرملکی خبررساں ادارے کی رپورٹ کے مطابق 30 سالہ سعودی خاتون نے عدالت میں اپنے شوہر سے خلع لینے اور معاوضہ ادا کرنے کا مقدمہ درج کرا دیا۔ بیوی نے الزام عائد کیا ہے کہ شوہر اسے دھوکا دے رہا تھا۔

خاتون کا کہنا ہے کہ شوہر پر پہلے سے ہی شک تھا، موبائل پر پیغامات دکھ کر حقیقت عیاں ہوگئی۔

انہوں نے کہا کہ میرا شوہر کسی دوسری خاتون سے رابطے میں ہے اور اس سے موبائل پر بات چیت کرتا ہے، شک کی بنیاد پر میں نے نگرانی کرکے اس کا موبائل پاس ورڈ خفیہ طور پر معلوم کیا۔

بیوی کا مزید کہنا تھا کہ جب موبائل کھول کر دیکھا تو میرا شک یقین میں تبدیل ہوگیا۔

بعد ازاں شوہر نے بھی اعتراف کرلیا اور کہا وہ اس خاتون سے شادی کا خواہاں ہے، جس پر خاتون نے طلاق لینے اور دھوکہ دینے کی صورت میں معاوضہ ادا کرنے کا مقدمہ درج کیا ہے۔

Comments

یہ بھی پڑھیں