The news is by your side.

Advertisement

’عالمی ادارہ صحت کی بہترین حکمت عملی سے وبا پر بڑی حد تک قابو پایا گیا‘

اسلام آباد: وزیراعظم کے معاون خصوصی برائے صحت ڈاکٹر ظفر مرزا نے کہا ہے کہ عالمی ادارہ صحت کی بہترین حکمت عملی سے وبا پر بڑی حد تک قابو پایا گیا ہے۔

تفصیلات کے مطابق ظفرمرزا کا ویڈیو لنک کے ذریعےجنیوا میں ورلڈ ہیلتھ اسمبلی سے خطاب کرتے ہوئے کہنا تھا کہ ورلڈ ہیلتھ اسمبلی کی کارروائی پہلی بارآن لائن ہو رہی ہے، عالمی ادارے کے اقدامات قابل ستائش ہیں۔

انہوں نے کہا کہ کرونا وبا پر کوئی بھی ملک اکیلے قابو نہیں پاسکتا، رکن ممالک مشترکہ طور پر بہتر طریقے سے وبا سے نمٹ سکتے ہیں، کرونا وبا سے پاکستان سمیت تمام ممالک کو چیلنجز کا سامنا ہے۔

ویڈیو لنک کے ذریعے خطاب کرتے ہوئے ظفر مرزا کا کہنا تھا کہ دنیا کے پانچویں بڑے ملک ہونے کے باوجود کم کیسز رپورٹ ہوئے ہیں، عوام کی آگہی کے لیے میڈیا پر بھرپورمہم جاری ہے، عوام کی آگہی کے لیے فوری طور پر ہیلتھ ہیلپ لائن قائم کی گئی، جہاں سے ہرممکن سہولت فراہم کی جارہی ہے۔

ان کا مزید کہنا تھا کہ ٹریسنگ ٹیسٹنگ اینڈ کورنٹائن کی قومی پالیسی پر عملدرآمد کیا جارہا ہے۔

fb-share-icon0
Tweet 20

Comments

comments

یہ بھی پڑھیں