بنگلادیش کے مایہ ناز آل راؤنڈر شکیب الحسن کو قتل کی دھمکیاں ملنے کے بعد سیکورٹی فراہم کر دی گئی۔
بین الاقوامی میڈیا رپورٹس کے مطابق بنگلادیشی کرکٹ بورڈ نے شکیب الحسن کو جان سے مارنے کی دھمکیاں ملنے کے بعد انہیں مسلح گارڈ فراہم کر دیا۔
حال ہی میں پریکٹس سیشن کے دوران گراؤنڈ میں مسلح گارڈ شکیب الحسن کے ہمراہ دیکھا گیا۔یہ پہلا موقع ہے کہ کسی بھی ملکی پلیئر کو مسلح گارڈ فراہم کیا گیا ہو تاہم غیرملکی پلیئزر، آفیشلز اور دیگر آئی سی سی حکام کو سیکورٹی گارڈز مہیا کیے جاتے رہے ہیں۔
بی سی بی نے مسلح گارڈ کی تعیناتی کی تصدیق کرتے ہوئے بتایا ہے کہ شکیب الحسن کو سوشل میڈیا پر جان سے مارنے کی دھمکیاں ملنے پر نامور آل راؤنڈ کی سیکورٹی کی خاطر مسلح گارڈ فراہم کیا گیا ہے۔
انہوں نے بتایا کہ شکیب الحسن کو دھمکیاں دینے پر شخص کو گرفتار کر لیا گیا ہے اور اس سے تفتیش کی جارہی ہے۔
واضح رہے کہ شکیب الحسن طویل عرصے تک نمبر ون آل راؤنڈر رہے ہیں تاہم اب ان کی آئی سی سی رینکنگ نمبر دو ہے۔
