اسلام آباد: دنیا کے 75 طاقتور ترین افراد کی فہرست جاری کر دی گئی جن میں چیف آف آرمی اسٹاف جنرل قمر جاوید باجوہ کا نام بھی شامل ہے۔
تفصیلات کے مطابق معتبر اور مقبول عالمی جریدے فوربز کی جانب سے جاری کردہ سالانہ دنیا کے طاقتور اشخاص کی فہرست میں دنیا کی چھٹی بڑی آرمی کی سربراہی کرنے والے پاکستانی قوم کے سپہ سالار جنرل قمر جاوید باجوہ بھی موجود ہیں۔
فوربز جریدے کے مطابق طاقتور شخصیت کی سالانہ رینکنگ 2018 میں آرمی چیف جنرل قمر جاوید باجوہ کے علاوہ چینی صدر شی جن پنگ، روسی صدر پیوٹن، امریکی صدر ٹرمپ، جرمن جانسلر اینجلا مرکل، ایمزون کے سربراہ جیف جانز، پوپ فرانس، بل گیٹس، سعودی ولی عہد شہزادہ محمد بن سلمان سمیت دیگر شخصیات شامل ہیں۔
جنرل قمر جاوید باجوہ نے پاک فوج کی کمان سنبھال لی
خیال رہے کہ جنرل قمر جاوید باجوہ نے فوجی کیریر کا آغاز بلوچ ریجمنٹ میں 16اکتوبر 1980 میں کیا تھا، وہ کینیڈا اور امریکا کے دفاعی کالج اور یونیورسٹیوں سے پڑھ چکے ہیں۔
علاوہ ازیں انہوں نے کوئٹہ میں انفرینٹری اسکول میں انسٹریکٹر کے طور پر فراض سرانجام دیے، وہ کانگو میں اقوام متحدہ کی امن فوج کی کمانڈ بھی سنبھال چکے ہیں، جس کے بعد اب وہ اسلامی ممالک کی طاقتور ترین پاک فوج کے سپہ سالار ہیں۔
عمران خان کا آرمی چیف کو فون، فوج کی کمان سنبھالنے پر مبارکباد
یاد رہے کہ 30 نومبر 2016 کو جنرل قمر جاوید باجوہ نے پاک فوج کی کمانڈسنبھال لی ہے اور وہ اس عہدے پر پہنچنے والے پاک فوج کے16ویں آرمی چیف ہیں۔
خبر کے بارے میں اپنی رائے کا اظہار کمنٹس میں کریں، مذکورہ معلومات کو زیادہ سے زیادہ لوگوں تک پہنچانے کے لیے سوشل میڈیا پر شیئر کریں۔
