The news is by your side.

Advertisement

نوجوان نے مکا مار کر دوست کو ہلاک کردیا

دبئی: متحدہ عرب امارات میں دوست دشمن بن گیا، کان کے نیچے گھونسا مار کر شہری نے اپنے ہی دوست کو موت کے گھاٹ اتار دیا، معاملہ عدات پہنچ گیا۔

تفصیلات کے مطابق دبئی میں نشے میں دھت دونوں دوست آپس میں لڑ پڑے۔ میکسیکیو سے تعلق رکھنے والے دونوں شہریوں نے آپس میں خوب ہاتھا پائی کی۔ سیدھے کان کے نیچے مکا لگنے سے ایک شہری ہلاک ہوگیا۔

غیرملکی خبررساں ادارے کے مطابق واقعے کے بعد فوری طور پر پولیس جائے وقوعہ پر پہنچی اور 36 سالہ مبینہ قاتل کو گرفتار کیا، معاملہ عدالت پہنچ چکا ہے، اگلی سماعت 27 جنوری کو ہوگی۔

یہ واقعہ اس وقت پیش آیا جب دونوں دوست مقامی ہوٹل میں بیٹھے گپ شپ کررہے تھے، اتنے میں دونوں کسی بات پر جھگڑ گئے اور بات ہاتھا پائی تک جاپہنچی، عینی شاہدین کا کہنا ہے کہ دونوں آپس میں ایک دوسرے پر لفظی گولہ باری کررہے تھے کہ اچانک گتھم گدتھا ہوگئے۔

مبینہ قاتل کا کہنا ہے کہ مقتول میری قابلیت اور میری شخصیت کا مذاق اڑا رہا تھا۔ جس پر میں آگ بگولہ ہوگیا لیکن میرا ارادہ اسے مارنے کا نہیں تھا، اتفاقاً موت واقع ہوئی۔ مکا لگنے سے مقتول کا چہرہ لہولنا جبکہ آنکھیں پھول گئی تھیں۔

غیرملکی میڈیا کے مطابق دونوں آپس میں بہت قریبی دوست تھے جبکہ ایک ساتھ ہوٹل میں رہتے بھی تھے۔

fb-share-icon0
Tweet 20

Comments

comments

یہ بھی پڑھیں