انسانوں کے بعد آزمائشی طور پر اب جانوروں کی ویکسینیشن کی جارہی ہے، شیر اور چیتے سمیت کئی جانوروں نے کورونا ویکسین لگوا لی۔
تفصیلات کے مطابق نیوزی لینڈ کے شہر آکلینڈ کے چڑیا گھر میں موجود کئی جانوروں کو تجرباتی طور پر کورونا وائرس کی ویکسین لگائی گئی۔ زوو میں موجود ان جانوروں کو کورونا ویکسین لگائی گئی جنہیں مہلک وائرس سے سب سے زیادہ خطرہ لاحق تھا۔ ویکسینیشن کے بعد کسی قسم کے منفی اثرات سامنے نہیں آئے۔
چڑیا گھر میں موجود چیتے، سیاہ بھالو، بھورا ریچھ، پہاڑی شیر اور سفید نیولا سمیت دیگر جانوروں کو ویکسین دی گئی۔ آکلینڈ کے چڑیا کے آفیشل ٹوئٹر اکاؤنٹ سے اس ضمن میں ٹوئٹ بھی شیئر کی گئی۔
As part of @Zoetis ongoing commitment to help those who care for animals in our communities, they are donating more than 11,000 doses of our COVID-19 vaccine to nearly 70 zoos in 27 states.
The Zoo has recently vaccinated tigers, Grizzly & Black bears, mountain lions & ferrets. pic.twitter.com/FeWlMjs4kv— Oakland Zoo (@oakzoo) July 2, 2021
زوو انتظامیہ کا کہنا ہے کہ جانوروں اور مویشیوں کے لیے ادویات تیار کرنے والی امریکن ڈرگ کمپنی نے ایک معاہدے کے تحت 27 ریاستوں میں 70 کے قریب چڑیا گھروں کے لیے 11 ہزار سے زائد ویکسین کی خوراکیں عطیہ کی ہیں۔
رپورٹ میں بتایا گیا کہ اگلے مرحلے میں چیمپنزیز، چمگاڈروں اور دیگر جانوروں کو کورونا ویکسین لگائیں گے۔
خیال رہے کہ جانوروں کے لیے تیار کردہ کورونا ویکسین یو ایس ڈی اے کی جانب سے تجرباتی استعمال کے طور پر تصدیق شدہ ہیں۔