The news is by your side.

Advertisement

ماضی کی غلط پالیسیوں کی وجہ سے بجلی کی پیداوار میں مشکلات ہیں، شبلی فراز

اسلام آباد: وفاقی وزیر اطلاعات شبلی فراز کا کہنا ہے کہ ماضی کی غلط پالیسیوں کی وجہ سے بجلی کی پیداوار میں مشکلات ہیں۔

تفصیلات کے مطابق اسلام آباد میں نیوز کانفرنس کے دوران وفاقی وزیر شبلی فراز نے کہا کہ ماضی میں بغیر منصوبہ بندی کے جنریشن پلانٹ لگائےگئے۔

شبلی فراز کا کہنا تھا کہ ماضی کی غلط پالیسیوں کی وجہ سے بجلی کی پیداوار میں مشکلات ہیں،ماضی میں توانائی کے مسئلے کے حل کے لیے کچھ نہیں کیا گیا۔

انہوں نے کہا کہ ماضی میں کیےگئے معاہدوں سے بجلی مہنگی مل رہی ہے،مہنگی بجلی سے صارفین اور برآمدات متاثر ہو رہی ہیں،توانائی سیکٹر کا مسئلہ حل نہ کیا گیا تو ہمیں شدید مشکلات ہوں گی۔

وفاقی وزیر نے کہا کہ ڈالر کی قدر بڑھنےکی وجہ سے بھی بجلی کی قیمت بڑھتی ہے،ماضی میں بجلی کی قیمت کو ڈالر کے ساتھ منسلک کیا گیا،کسی حکومت نے بھی نجی کمپنیوں سے سستی بجلی کے لیے مذاکرات نہیں کیے۔

شبلی فراز کا کہنا تھا کہ عوام کو سستی بجلی کی فراہمی حکومت کی ترجیح ہے،گزشتہ حکومت میں بغیر منصوبہ بندی کے ڈسٹری بیوشن پلانٹ لگائےگئے،معاہدوں کو یکطرفہ طور پرختم نہیں کرسکتے اس لیے مذاکرات کیے۔

انہوں نے بتایا کہ ہماری حکومت آنے کے بعد توانائی سیکٹر پر کام شروع کیا،ماضی کی غلط پالیسیوں نے ملک کوگردشی قرضوں کی لپیٹ میں لیا،وزیراعظم نے اس لیے آئی پی پیز سے مذاکرات کے لیے کمیشن تشکیل دیا۔

Comments

یہ بھی پڑھیں