site
stats
پاکستان

عائشہ گلالئی سے کوئی تعلق نہیں، ریحام خان

ہری پور: چیئرمین تحریک انصاف عمران خان کی سابقہ اہلیہ ریحام خان نے کہا ہے کہ عائشہ گلالئی سے کوئی تعلق نہیں اور نہ ہی امیر مقام سے کبھی ملاقات کی۔

تفصیلات کے مطابق ہری پور میں پریس کانفرنس کرتے ہوئے ریحام خان نے کہا ہے کہ حلفیہ کہتی ہوں کہ عائشہ گلالئی سے کوئی تعلق نہیں ہے، مسلم  لیگ ن کے رہنما امیر مقام سے کبھی ملاقات نہیں کی۔

انہوں نے کہا کہ ہم خان ہیں پیٹھ پروارکرنے والے نہیں، اللہ کے سوا کسی کو جواب دہ نہیں الزام مجھ پر نہیں لگا جس پر الزام لگا ہے وہ جواب دہ ہے۔

ریحام خان نے واضح کیا کہ نواز شریف اور شہباز شریف سمیت کسی نے کتاب لکھنے کا نہیں کہا اگر میں اسکرپٹ لکھ رہی ہوتی تو اتنا بے ضرر اسکرپٹ نہیں ہوتا۔

انہوں نے کہا کہ جب فلم بنانے کی کوشش کی گئی تو بھی روڑے اٹکائے گئے میں سچ پر ہوں اور کوئی چیلنج نہیں کرسکتا۔

ریحام خان نے کہا کہ دو سال سے خاموش بیٹھی ہوئی ہوں جس پر الزام لگا ہے اس سے بھی کوئی تعلق نہیں ہے۔

انہوں نے کہا کہ جب میں بھابھی اور بیوی تھی تب بھی مجھ سے بدتمیزی ہوئی اب تو میری جان چھوڑ دیں صبر کی بھی انتہا ہوتی ہے۔


اگر آپ کو یہ خبر پسند نہیں آئی تو برائے مہربانی نیچے کمنٹس میں اپنی رائے کا اظہار کریں اور اگر آپ کو یہ مضمون پسند آیا ہے تو اسے اپنی وال پر شیئر کریں۔

Print Friendly, PDF & Email
20

Comments

comments

اس ویب سائیٹ پر موجود تمام تحریری مواد کے جملہ حقوق@2018 اے آروائی نیوز کے نام محفوظ ہیں

To Top