The news is by your side.

کراچی میں گیس، بجلی غائب ہے، شہری گٹر ملا پانی پی رہے ہیں: مصطفیٰ کمال

کراچی: پاک سرزمین پارٹی کے سربراہ مصطفیٰ کمال کا کہنا ہے کہ کراچی میں گیس اور بجلی غائب ہے جبکہ شہری گٹر ملا پانی پینے پر مجبور ہیں۔

ان خیالات کا اظہار انہوں نے ورکرزکنونشن سے خطاب کرتے ہوئے کیا، مصطفیٰ کمال نے سندھ حکومت پر شدید تنقید کرتے ہوئے کہا کہ منتخب نمائندے خاموش تماشائی بنے ہیں۔

ان کا کہنا تھا کہ کراچی کے شہری پیاس سے مررہے ہیں، میرے دور کا 6 ارب کا پانی فراہمی منصوبہ 36 ارب کا کرکے نامکمل رکھا گیا۔

ایوان میں بیٹھنے والے کراچی کی بات نہیں کر رہے ہیں، مصطفیٰ کمال

عام انتخابات میں ناکامی پر تبصرہ کرتے ہوئے مصطفیٰ کمال کا کہنا تھا کہ الیکشن میں ہمیں کسی نے نہیں ہرایا بلکہ ناکامی میں کامیابی چھپی ہے۔

خیال رہے کہ رواں سال ستمبر میں چیئرمین پی ایس پی نے کہا تھا کہ ہم نے مثبت انداز میں کراچی کا مقدمہ لڑنا ہے، لوگ ایوان میں بیٹھ کر کراچی کی بات نہیں کر رہے۔

انہوں نے دعویٰ کیا تھا کہ پی ایس پی ہی وہ جماعت ہے جو کراچی کے مسائل کو اچھی طرح سمجھتی ہے اور ان کو حل بھی کرے گی۔

Comments

یہ بھی پڑھیں