ایم کیو ایم قائدکی سیاست کی پاکستان میں گنجائش نہیں،رانا ثنااللہ -
The news is by your side.

Advertisement

ایم کیو ایم قائدکی سیاست کی پاکستان میں گنجائش نہیں،رانا ثنااللہ

فیصل آباد:وزیر قانون پنجاب رانا ثنا اللہ نے کہا ہے کہ ایم کیوایم کے قائد اور ان کے چند ساتھیوں کے لیے اب پاکستان میں کوئی گنجائش نہیں، اردو بولنے والے محب وطن اور ہمارے بھائی ہیں.

تفصیلات کےمطابق فیصل آباد میں مویشی منڈی کے افتتاح کے موقع پر وزیر قانون پنجاب راناثنااللہ کا کہناتھاکہ ماڈل مویشی منڈی کی تعمیر پر 33 کروڑ روپے لاگت آئی ہے،میگا پروجیکٹس کی وجہ سے فیصل آباد پنجاب کادوسرا اورپاکستان کاتیسرا شہر بنےگا۔

رانا ثنا اللہ نے کہا کہ پاکستان کو ترقی کی راہ پر گامزن ہوتادیکھتے ہی دھرنے کا سبق شروع کردیاجاتاہے،عمران خان اور طاہر القادری ماضی میں دھرنے کامقصد نہیں بتا سکے،افراتفری اورعدم استحکام چاہنے والوں کا ایجنڈا انہی کو مبارک ہو.

صوبائی وزیر قانون نے مزید کہا کہ دہشت گردی قومی مسئلہ ہے، یہ بات سب کو سمجھنا ہوگی،پنجاب میں انسداددہشت گردی پر مکمل توجہ ہے.

راناثنااللہ کا کہنا تھاکہ ہم چاہتے ہیں بلدیاتی حکومت جلد قائم ہواور عام آدمی کے مسائل حل ہوسکیں.

*کراچی: ایم کیو ایم کارکنان کا اے آر وائی نیوز کے دفتر پر حملہ

واضح رہے کہ 22 اگست کو ایم کیو ایم کے قائد کی جانب سے پاکستان مخالف تقریر کی گئی جس کے بعد اے آر وائی نیوز کے دفتر پر ایم کیو ایم کے مشتعل کارکنان نے حملہ کیاتھا،کارکنان نے دفتر میں توڑ پھوڑ کی اور ملازمین کو بھی ہراساں کیاتھا.

Comments

comments

یہ بھی پڑھیں