12اسلام آباد: معاون خصوصی برائے اطلاعات فردوس عاشق اعوان نے کہا کہ چند سکوں کےعوض زندگی کے ساتھ کھیلنے والوں کے خلاف ایکشن ہوگا۔
تفصیلات کے مطابق سماجی رابطے کی ویب سائٹ ٹویٹر پر ڈاکٹر فردوس عاشق اعوان نے اپنے پیغام میں کہا کہ وزیراعظم کی زیرصدارت اشیا ضروریہ کی قیمتوں کا جائزہ اجلاس ہوا۔ اجلاس میں چاروں صوبائی سیکریٹریز نے شرکت کی۔
فردوس عاشق اعوان نے کہا کہ وزیراعظم نے کہا اشیا ضروریہ میں ملاوٹ ظلم ہے، ملاوٹ کے نتیجے میں سنگین امراض کی شرح میں اضافہ ہوا۔ وزیراعظم نے ملاوٹ کے خاتمے کے لیے جدید ٹیکنالوجی کے استعمال کو بروئے کار لانے کی ہدایت کی۔
وزیراعظم کی زیر صدارت چاروں صوبائی سیکرٹیریز کی موجودگی میں ہونے والے اجلاس میں اشیاء ضروریہ کی قیمتوں کا جائزہ لیا گیا۔وزیر اعظم نے کہا کہ اشیاء ضروریہ میں ملاوٹ عوام کے ساتھ ظلم ہے۔ ملاوٹ کے نتیجے میں سنگین امراض کی شرح میں اضافہ ہوا ہے۔
— Firdous Ashiq Awan (@Dr_FirdousPTI) January 1, 2020
معاون خصوصی برائے اطلاعات نے کہا کہ ملاوٹ کے مرتکب عناصر کسی رعایت کے مستحق نہیں ہیں، چند سکوں کےعوض زندگی کے ساتھ کھیلنے والوں کے خلاف ایکشن ہوگا۔
فردوس عاشق اعوان نے اپنے پیغام میں مزید کہا کہ وزیراعظم عمران خان نے چاول، ٹماٹر، آلو کی قیمتوں میں کمی پر اطمینان کا اظہار کیا۔
اے آر وائی نیوز کی ڈیجیٹل ڈیسک کی جانب سے شائع کی گئی خبریں