The news is by your side.

Advertisement

پیپلزپارٹی کی حکومت میں صحافیوں کے ساتھ ناانصافی نہیں ہوگی، وزیراعلیٰ سندھ

جامشورو: وزیراعلیٰ سندھ مراد علی شاہ کا کہنا ہے کہ پیپلزپارٹی کی حکومت میں صحافیوں کےساتھ ناانصافی نہیں ہوگی۔

تفصیلات کے مطابق سیہون میں میڈیا سے گفتگو کرتے ہوئے وزیراعلیٰ سندھ مراد علی شاہ نے کہا کہ صحافی عزیز میمن کے قتل پر پیپلزپارٹی نے سخت مؤقف رکھا ہے، سعید غنی اور سہیل سیال کو عزیز میمن کے ورثا کے پاس بھیجا تھا۔

مراد علی شاہ کا کہنا تھا کہ عزیز میمن کے بھائی نے اپنی مرضی سے مقدمہ درج کرایا ہے، عزیز میمن کی فیملی کے ساتھ مکمل انصاف کریں گے۔انہوں نے کہا کہ صحافت کی آزادی پر ہم یقین رکھتے ہیں، پیپلزپارٹی کی حکومت میں صحافیوں کے ساتھ ناانصافی نہیں ہوگی۔

آئی جی سندھ کے تبادلے سے متعلق وزیراعلیٰ سندھ کا کہنا تھا کہ آئی جی کے تبادلے پر وزیراعظم کو کہا ہے ابھی تک نہیں ہوا، وزیراعظم نے وعدہ بھی کیا ابھی تک آئی جی سندھ تبدیل نہیں ہوا۔

مراد علی شاہ نے کہا کہ سیہون کوماڈل سٹی بنانے کا کام جاری ہے، وفاق نے پیسےکم دیےاس لیے ترقیاتی منصوبے تعطل کا شکار ہیں۔ انہوں نے مزید کہا کہ بلاول بھٹو غریبوں کے لیے آواز بلندکر رہے ہیں، چیئرمین پیپلزپارٹی مارچ میں احتجاجی تحریک چلا رہے ہیں۔

fb-share-icon0
Tweet 20

Comments

comments

یہ بھی پڑھیں