امریکی میڈیا حقائق کے برعکس کہانیاں دے رہا ہے، ٹرمپ کی میڈٰیا پر تنقید Trump criticize media
The news is by your side.

Advertisement

امریکی میڈیا حقائق کے برعکس کہانیاں دے رہا ہے، ٹرمپ کی میڈیا پر تنقید

واشنگٹن : امریکی صدر ٹرمپ نے کہا ہے کہ مین اسٹریم میڈیا اتنا بد دیانت پہلے کبھی نہیں تھا جتنا اب ہے، جعلی خبر امریکی ادارے سے بھی بدتر ہیں۔

تفصیلات کے مطابق امریکی صدر ڈونلڈ ٹرمپ نے ایک مرتبہ پھر امریکا کے نشریاتی و خبر رساں اداروں پر برہمی کا اظہار کرتے ہوئے سماجی رابطے کی ویب سائٹ پر ٹویٹ کیا ہے کہ ’امریکی نشریاتی ادارے پاگل ہوگئے ہیں‘۔

امریکی صدر ڈونلڈ ٹرمپ میڈیا پر برستے ہوئے کہا کہ امریکی میڈیا ایسی کہانیاں دے رہے ہیں کو حقائق کے برعکس ہیں، جعلی خبریں امریکی ادارے سے بھی بدتر ہیں۔

مزید پڑھیں : میلانیا کی جیکٹ فیک نیوز والوں کےلیے تھی

خیال رہے کہ اس سے قبل بھی ڈونلڈ ٹرمپ امریکی میڈیا کو مختلف مواقع پر شدید تنقید کا نشانہ بناچکے ہیں، صدر ٹرمپ کی اہلیہ میلانیا ٹرمپ کے ’مجھے کسی کی پرواہ نہیں‘ تحریر الفاظ کی جیکٹ زیب تن کرنے میڈیا کی جانب سے تنقید کا نشانہ بنایا گیا تھا۔

امریکی صدر ڈونلڈ ٹرمپ نے اپنی اہلیہ کو تنقید کا نشانہ بنائے جانے کے بعد سماجی رابطے کی ویب سایٹ ٹویٹر پر پیغام دیا ہے کہ ’میلانیا ٹرمپ کی جیکٹ پر لکھے ہوئے الفاظ فیک نیوز والوں کے لیے تھے، جنہیں غلط رُک دیا جارہا ہے‘۔

امریکی صدر ڈونلڈ ٹرمپ کا کہنا تھا کہ فیک نیوز بنانے والوں کی غلط خبروں سے میلانیا کو کوئی فرق نہیں پڑتا، تاہم سوشل میڈیا صارفین کی جانب سے امریکی خاتون اوّل کو شدید تنقید نشانہ بنایا گیا تھا۔

مزید پڑھیں : بزفیڈ اورسی این این جھوٹی خبریں دیتے ہیں ،امریکی صدرڈونلڈ ٹرمپ

ڈونلڈ ٹرمپ نے امریکی انتخابات میں کامیابی حاصل کرنے کے بعد پہلی نیوز کانفرنس سے خطاب کرتے ہوئے میڈیا پر اظہار برہمی کیاتھا، جس میں انہوں نے امریکی میڈیا اداروں سے کہا تھا کہ ’تم لوگ جھوٹی خبریں دیتے ہو‘۔

ڈونلڈ ٹرمپ نے پریس کانفرنس کے دوران اپنے مخالف میڈیا گروپس پرشدید تنقید کرتے ہوئے انہیں نتائج بھگتنے کی دھمکی بھی دی۔

Comments

comments

یہ بھی پڑھیں