The news is by your side.

Advertisement

امریکی شخص کی زبان پر سیاہ بال نکال آئے

واشنگٹن : عجیب و غریب بیماری میں مبتلا 50 سالہ امریکی شہری کی زبان پر ‘سیاہ کالے بال’ نمودار ہوگئے۔

غیر ملکی میڈیا کے مطابق امریکا سے تعلق رکھنے والے 50 سالہ شہری کو زبان پر کالے دھبے نمودار ہوئے تو اس نے ماہر جلدی امراض سے رجوع کیا۔

متاثرہ شخص کی زبان کا معائنہ کرکے ڈاکٹر بھی حیران رہ گئے کیوں کہ وہ انتہائی نایاب بیماری میں مبتلا تھا جس کے باعث اس کی زبان پر سیاہ دھبے نہیں بلکہ بال نکل آئے تھے۔

میڈیا رپورٹس کے مطابق اس بیماری کو ’بلیک ہیئری ٹنگ‘ (بی ایچ ٹی) کہا جاتا ہے، ڈاکٹروں کا کہنا ہے کہ اس قسم کا مرض بڑی عمر کے افراد میں سخت ٹوتھ برش کرنے، سخت غذائیں چبانے اور مصالحے دار کھانا کھانے کی وجہ سے لاحق ہوجاتا ہے۔

تاہم بلیک ہیئری ٹنگ سے متعلق ماہر جِلدی امراض کا کہنا ہے کہ یہ کوئی وائرل یا فنگل انفیکشن نہیں بلکہ ایک وقتی اور بے ضرر بیماری ہے جو بہت کم ہی دیکھنے میں آئی ہے، اس سے مریض کو کوئی پریشانی لاحق نہیں ہوتی اور نہ صحت متاثرہ ہوتی ہے۔

ماہرین کا کہنا ہے کہ منہ کی صفائی ستھرائی کرکے اس بیماری سے باآسانی نجات حاصل کی جاسکتی ہے۔

Comments

یہ بھی پڑھیں