بھارت میں لیموں سمیت دیگر سبزیوں کی قیمتوں نے آسمان کو چھونا شروع کیا تو لیٹروں نے گودام سے سبزیاں چرانا شروع کردیں۔
غیر ملکی میڈیا کے مطابق سبزیوں کی چوری کا حیران کن واقعہ بھارتی ریاست اترپردیش کے شہر شاہ جہاں پور میں پیش آیا، جہاں چوروں نے پیسوں یا زیورات کی تجوری نہیں بلکہ سبزی کا گودام خالی کردیا ہے۔
جی ہاں! چور سبزیوں کے گودام سے ناصرف مہنگی قیمت والے لیموں کے ساتھ ساتھ دیگر سبزیاں بھی لے گئے جن کی قیمتیں ان دنوں بھارت میں کافی زیادہ ہیں۔
متاثرہ سبزی فروش کا کہنا ہے کہ چوروں نے 60 کلو لیموں، 40 کلو پیاز اور 38 کلو لہسن چرایا ہے۔
واضح رہے کہ بھارت میں لیموں کی فی کلو قیمت 325 روپے ہوگئی ہے جب کہ دیگر سبزیوں کی قیمتیں بھی آسمان سے باتیں کررہی ہیں۔
Comments
- Advertisement -