ٹام کروز کے پسندیدہ کام جو وہ ہر فلم میں کرتے ہیں -
The news is by your side.

Advertisement

ٹام کروز کے پسندیدہ کام جو وہ ہر فلم میں کرتے ہیں

معروف ہالی ووڈ اداکار ٹام کروز کی حال ہی میں ریلیز ہونے والی فلم دی ممی کچھ خاص کامیابی تو نہ حاصل نہ کرسکی البتہ پاکستان میں یہ بہت ذوق و شوق سے دیکھی گئی جس کی وجہ اس کے ہیرو ٹام کروز کا ہر دلعزیز ہونا ہے۔

پاکستان میں ٹام کروز کے مداحوں کی کمی نہیں اور ان کی ریلیز ہونے والی ہر فلم پاکستان میں نہایت شوق سے دیکھی جاتی ہے۔ بطور ایکشن ہیرو بھی ٹام کروز کو یہاں خاصا پسند کیا جاتا ہے۔

لیکن کیا آپ جانتے ہیں ٹام کروز اپنی ہر فلم میں کچھ مخصوص کام ضرور انجام دیتے ہیں۔ ان کے کیرئیر کے آغاز سے لے کر اب تک آپ ان کی ہر فلم میں انہیں یہ کام کرتے ضرور دیکھیں گے۔

آئیں دیکھتے ہیں وہ کون سے کام ہیں۔

شرٹ اتارنا

ویسے تو اس کام کے لیے بالی ووڈ اداکار سلمان خان خاصے مشہور ہیں اور ان کے بارے میں کہا جاتا ہے کہ چاہے سین کی ڈیمانڈ ہو یا نہ ہو، وہ شرٹ اتار کر اپنی باڈی دکھانے کا کوئی موقع ہاتھ سے نہیں جانے دیتے۔

تاہم اس ضمن میں ٹام کروز بھی پیچھے نہیں۔ آپ ان کی اکثر فلموں میں انہیں شرٹ اتار کر لڑتا ہوا یا مختلف کام سر انجام دیتا ہوا پائیں گے۔

بغیر سانس لیے بھاگنا

ٹام کروز کے ایکشن والے مناظر میں اگر کہیں کسی موقع پر انہیں بھاگنا پڑجائے تو یوں محسوس ہوتا ہے جیسے وہ سانس روک کر بھاگ رہے ہیں۔

اس موقع پر ان کے چہرے پر ناقابل بیان تاثرات ہوتے ہیں اور وہ دیوانگی کے عالم میں بغیر پیچھے مڑے بھاگتے دکھائی دیتے ہیں۔

چھلانگ لگانا

ٹام کروز اپنی ہر فلم میں چھلانگیں لگاتے بھی دکھائی دیتے ہیں، اور لگتا ہے کہ یہ ان کا خاصا پسندیدہ کام ہے، تب ہی ایک بار معروف ٹی وی میزبان اوپرا ونفرے کے شو میں بھی وہ چھلانگیں لگانا نہیں بھولے۔

فضا میں لٹکنا

خطرناک ایکشن مناظر میں مجرم کا پیچھا کرتے ہوئے یا ہیروئن کو بچانے کے لیے فضا میں لٹک جانا بھی ٹام کروز کا محبوب مشغلہ ہے۔ یقین نہیں آتا تو یہ مناظر دیکھ لیں۔

ٹام کروز کے چشمے

ہر فلم میں ٹام کروز دھوپ کے مہنگے چشمے استعمال کرنا بھی نہیں بھولتے جس سے بلاشبہ ان کی کشش اور ان کے مداحوں کی تعداد میں مزید اضافہ ہوجاتا ہے۔


آپ کو ٹام کروز کا کون سا انداز سب سے زیادہ پسند آیا؟


اگر آپ کو یہ خبر پسند نہیں آئی تو برائے مہربانی نیچے کمنٹس میں اپنی رائے کا اظہار کریں اور اگر آپ کو یہ مضمون پسند آیا ہے تو اسے اپنی فیس بک وال پر شیئر کریں۔

Comments

comments

یہ بھی پڑھیں