The news is by your side.

Advertisement

غیر ملکیوں کو کویت سے بے دخل کرنے پر غور؟

کویت سٹی: حکومت کویت میں کروناوائرس ٹیسٹ نہ کرانے والے غیرملکیوں کو بے دخل کرنے پر غور کررہی ہے۔

عرب میڈیا کی رپورٹ کے مطابق کویتی حکومت نے 27 فروری کے بعد بیرون ملک سے واپس آنے والے تمام غیر ملکیوں کا طبی معائنہ کرانے کا فیصلہ کیا ہے۔ جبکہ مہلک وائرس کا ٹیسٹ نہ کرانے والے تارکین وطن کو بے دخل بھی کیا جاسکتا ہے۔

کویت حکومتی ذرائع کا کہنا ہے کہ طبی معائنہ نہ کرانے والے تارکین وطن کو ڈی پورٹ کردیا جائے گا البتہ اس حوالے سے حکومت نے کوئی تصدیق یا تردید نہیں کی۔

ملکی محکمہ صحت نے اعلان کیا ہے وہ تمام غیرملکی جو 27 فروری کے بعد ملک میں داخل ہوئے ہیں ان کا طبی معائنہ لازمی ہے۔ اس اقدام کا مقصد مہلک وائرس سے ملک کو محفوظ بنانا ہے۔

کرونا وائرس: کویت میں تمام دفاتر، تعلیمی ادارے اور بینک بند

ایک اندازے کے مطابق 27 فروری کے بعد سے لے کر اب تک 2 لاکھ 35 ہزار شہری وغیر ملکی بیرون ملک سے کویت واپس آئیں ہیں۔ تمام افراد کے ٹیسٹ کیے جارہے ہیں۔

خیال رہے کہ کویتی وزارت صحت کا کہنا ہے کہ گزشتہ 24 گھنٹے کے دوران کویت میں مزید 3 کرونا کے مریضوں کی تصدیق ہوئی ہے، مجموعی طور پر مریضوں کی تعداد 72 ہوگئی ہے۔

fb-share-icon0
Tweet 20

Comments

comments

یہ بھی پڑھیں