کراچی: پاکستان اور ویسٹ انڈیز کے درمیان تیسرا ٹی 20 ہوگا یا نہیں؟ فیصلہ کچھ دیر میں ہوجائےگا۔
اے آر وائی کے نمائندہ خصوصی برائے اسپورٹس شعیب جٹ کے مطابق ویسٹ انڈیز کیمپ سے مزید پانچ کرونا ٹیسٹ مثبت آنے کے بعد آج ہونے والا تیسرا اور آخری ٹی ٹوئنٹی میچ کووڈ ٹیسٹ کی رپورٹ سے مشروط کردیا گیا ہے۔
کراچی میں ویسٹ انڈیز کھلاڑیوں کے ریپڈانٹیجن ٹیسٹ کئے جارہے ہیں، جس کی رپورٹ ایک بجے تک موصول ہوں گی، اگر مزید مثبت کیسز رپورٹ ہوئے تو آج کا میچ ملتوی ہونے کے ساتھ ساتھ ون ڈے سیریز کا انعقاد بھی خطرے میں پڑجائے گا۔
واضح رہے کہ ویسٹ انڈیز کے21 میں سے6 کھلاڑی کرونا کا شکار،ایک انجری سےدوچار ہے۔
اس سے قبل ویسٹ انڈیز بورڈ کی جانب سے جاری بیان میں بتایا گیا تھا کہ ویسٹ انڈیز کےمزید تین کھلاڑیوں کا کرونا ٹیسٹ مثبت آیا ہے، شائےہوپ، عقیل حسین اور جسٹن گریوز کرونا کا شکار ہوئے ہیں، تینوں کھلاڑی آئسولیشن میں چلے گئے ہیں۔
ویسٹ انڈیزبورڈ نے مزید بتایا کہ بولنگ کوچ راڈی ایسٹ وک اور ٹیم ڈاکٹربھی کرونا سے متاثر ہوئے ہیں۔
ویسٹ انڈیزبورڈ کے مطابق غیر معمولی صورت حال کے باعث پی سی بی اور ویسٹ انڈیز کے آفیشلز کی درمیان آج اہم ترین میٹنگ ہوگی،جس میں دورےکو جاری رکھنےسے متعلق فیصلہ ہوگا۔
