پرتھ: پاکستان اور آسٹریلیا اے کے درمیان تین روزہ پریکٹس میچ ہار جیت کے فیصلے کے بغیر ختم ہوگیا۔
تفصیلات کے مطابق پاکستان اور آسٹریلیا اے کے درمیان پرتھ میں کھیلا جانے والا تین روزہ پریکٹس میچ ڈرا ہوگیا، 459 رنز کے ہدف کے تعاقب میں آسٹریلیا اے کی ٹیم نے آخری روز 2 وکٹوں پر 91 رنز بنائے۔
میچ میں پاکستانی کھلاڑیوں نے آل راؤنڈ پرفارمنس کا مظاہرہ کیا، بابر اعظم اور اسد شفیق نے سنچریاں اسکور کیں، عمران خان سینئر نے پہلی اننگز میں پانچ کھلاڑیوں کو پویلین کی راہ دکھائی۔
پاکستان اور کرکٹ آسٹریلیا الیون کے درمیان دوسرا پریکٹس میچ 15 نومبر سے پرتھ میں کھیلا جائے گا جبکہ پہلا ٹیسٹ میچ 21 نومبر سے شروع ہوگا۔
Match Summary!#AUSAvPAK ends in a draw.
Scorecard: https://t.co/QvxZVz5rek
📸 @cricketcomau pic.twitter.com/7n4lBkZneG
— Pakistan Cricket (@TheRealPCB) November 13, 2019
پاکستانی بولرز نے آسٹریلیا اے کے پرخچے اڑا دئیے
اس سے قبل قومی ٹیم نے تین سو سے زائد رنز کی برتری سے تیسرے روز کا آغاز کیا، دوسری اننگز میں پاکستانی بلے باز اظہر علی اور شان مسعود بالترتیب 1 اور 4 رنز کے ساتھ کریز پر اترے۔ گزشتہ روز پاکستانی بولرز نے آسٹریلیا اے کی بیٹنگ لائن کو تہس نہس کردیا تھا، پوری ٹیم صرف ایک سو بائیس رنز ہی بنا سکی تھی۔
خیال رہے کہ پرتھ میں کھیلے جانے والے پریکٹس میچ کے دوسرے روز پاکستان کے 428 رنز کے جواب میں آسٹریلیا اے کی ٹیم 122 رنز پر ڈھیر ہوگئی تھی، عمران خان سینئر نے 5 کھلاڑیوں کو پویلین کی راہ دکھائی تھی، دن کے اختتام پر پاکستان نے بغیر کسی نقصان 7 رنز بنائے تھے۔
اس سے قبل قومی ٹیم اپنی پہلی اننگز میں 428 رنز بنا کر آؤٹ ہوگئی تھی، بابر اعظم 157 اور اسد شفیق 119 رنز بنا کر ریٹائرڈ آؤٹ ہوئے اور دوسرے بلے بازوں کو کھیلنے کا موقع فراہم کیا۔
