The news is by your side.

Advertisement

ابھی تو میں جوان ہوں، 103 سالہ شخص نے تیسری شادی رچالی

عراق میں ایک سو تین سالہ شخص نے اپنی عمر سے 66 سالہ چھوٹی خاتون سے شادی رچالی، سوشل میڈیا پر شادی کی تصاویر بھی وائرل ہوگئیں۔

الامارات الیوم کے مطابق عراق میں 103 سالہ شخص نے 37 سال کی خاتون سے تیسری شادی کرلی،شادی کے تمام انتظامات اس کے پوتے، پڑ پوتے نے کیے۔

انوکھی شادی عراق کے شہر الدیوانیہ کے جنوبی علاقے میں سرانجام پائی، اس موقع پر علاقے کو برقی قمقموں سے سجایا گیا اور شادی میں روایتی گیت بھی گائے گئے۔

عرب میڈیا کے مطابق شادی کی مرکزی تقریب سے قبل منگنی ہوئی جس میں دولہا اور دلہن نے ایک دوسرے کو انگوٹھیاں پہنائیں جس کے بعد پھر مہندی کی تقریب ہوئی اور اہل خانہ نے خوشی کا اظہار کیا۔

مخیلف فرہود المنصوری کے بیٹے عبدالسلام نے بتایا کہ ان کے والد کی یہ تیسری شادی ہے، ان کی پیدائش کا سال 1919 ہے، پہلی اہلیہ کا انتقال 1999 میں ہوا تو انہوں نے دوسری شادی کی جس سے ان کی اولاد ہوئی۔

عبدالسلام نے بتایا کہ گذشتہ سال کے آخر میں والد کا بیگم سے جھگڑا ہوا تھا جس پر وہ ناراض ہو کر اپنے میکے چلی گئیں، کئی ماہ سے بلانے کے باوجود واپس نہیں آئیں تو مجبوراً ہمارے والد نے خواہش ظاہر کی کہ وہ شادی کرنا چاہتے ہیں اور اب ان کی خواہش پوری کردی گئی ہے۔

مخیلف فرہود المنصوری نے بتایا کہ دلہن کی تاریخ پیدائش 1985 ہے پہلے منگنی کی گئی اس کے بعد مہندی کی رسم ہوئی اور پھر باقاعدہ شادی کی تقریب منعقد کی گئی رخصتی کی تقریب میں دولہا کے بیٹوں اور پوتے پوتیوں نے شرکت کی۔

Comments

یہ بھی پڑھیں