شارجہ ٹیسٹ کا دوسرا دن ، انگلینڈ نے 4 وکٹ پر 222 رنز بنالئے -
The news is by your side.

Advertisement

شارجہ ٹیسٹ کا دوسرا دن ، انگلینڈ نے 4 وکٹ پر 222 رنز بنالئے

شارجہ ٹیسٹ کے دوسرے روز قومی بولرز خاطرخواہ کارکردگی دکھانے میں ناکام رہے، انگلینڈ نے کھیل کے اختتام پرچار وکٹ پر دو سو بائیس رنز بنالئے۔

شیروں کے شکار کیلئے شاہینوں کے تمام ہتھیار بے کار ہوگئے، شارجہ میں قومی بولرز کی ایک نہ چلی ، پاکستان کی برتری ختم کرنے کیلئے انگلینڈ کوصرف بارہ رنز درکاراوراس کی چھ وکٹیں باقی ہے۔

انگلینڈ نے پہلی نامکمل اننگزچار رنز بغیرکسی نقصان کے شروع کی تو شعیب ملک نے جلد ہی وکٹ دلادی، معین علی چودہ رنز بناکرپویلین لوٹے، ایلسٹرکک اور ای این بیل نے اکہتر رنز کی شراکت جوڑ کراپنی ٹیم کی پوزیشن مستحکم کی۔ لیکن یاسرشاہ نے انگلش کپتان اورراحت علی نے جو روٹ کو چلتاکرکے میچ میں کم بیک کیا۔

بیل چالیس رنز کی سست اننگز کھیل کر یاسرشاہ کی گیندپر آؤٹ ہوئے،ایک موقع پرانگلینڈ کےچار کھلاڑی ایک سو انتالیس رنز پویلین لوٹ گئے تھے۔

اس وقت جونی بیرسٹو اورجیمز ٹیلرکی شراکت نے بولرز کے تمام حربے ناکام بنادئیے، کھیل کے اختتام پر انگلینڈ نےچار وکٹ پردو سوبائیس رنز بنالئے تھے، جیمز ٹیلرچوہتر اور جونی بیرسٹوسینتس رنز پر تیسرےروز کھیل کا آغاز کریں گے۔

Comments

comments

یہ بھی پڑھیں