The news is by your side.

Advertisement

بھارت: اسکول وین کو ٹرین نے کچل دیا، 13 بچے ہلاک

نئی دہلی : بھارتی ریاست اتر پردیش میں پھاٹک کراس کرتے ہوئے تیز رفتار ٹرین نے اسکول وین کچل دیا، جس کے نتیجے میں 13 بچے ہلاک ہوگئے.

تفصیلات کے مطابق بھارتی ریاست اتر پردیش میں انتہائی افسوسناک واقعہ پیش آیا ہے جہاں اسکول کے بچوں کو لانے والی وین خوشی نگر کے علاقے میں تیز رفتار ٹرین کی زد میں آگئی۔

برطانوی نشریاتی ادارے کے مطابق حادثے میں دوران بس میں سوار تیرہ بچے جان سے ہاتھ دھو بیٹھے، جن میں کم عمر بچے اور بس ڈرائیور بھی شامل ہیں۔

بھارتی حکام کا کہنا تھا کہ اسکول بس ایسے ریلوے پھاٹک سے گزر رہی تھی جہاں ریلوے عملے کا کوئی بھی اہلکار موجود نہیں تھا۔ جس کے باعث وین اور ٹرین میں حادثہ پیش آیا۔

بھارتی ریاست اتر پردیش کے وزیر اعلیٰ یوگی آدتیہ ناتھ نے افسوس ناک حادثے کی تحقیقات اور متاثرہ خاندانوں کے لیے معاوضے کا حکم دیتے ہوئے کہا ہے کہ ہماری ہمدردیاں حادثے میں ہلاک ہونے والے بچوں کے والدین کے ساتھ ہے۔


بھارت: اسکول بس گہری کھائی میں جاگری،27بچوں سمیت 30ہلاک


یاد رہے کہ بھارتی ریاست ہماچل پردیش میں گذشتہ ہفتے بچوں کو لانے والی اسکول بس تیز رفتاری کے باعث بے قابو ہوکر 200فٹ گہری کھائی میں جاگری تھی جس کے نتییجے میں 27 بچوں سمیت 30 افراد ہلاک ہوئے تھے۔

خیال رہے کہ بھارت میں خراب ڈرائیونگ اور تباہ حال سڑکوں کی وجہ سے ٹریفک حادثات روز کا معمول ہیں۔


خبر کے بارے میں اپنی رائے کا اظہار کمنٹس میں کریں‘ مذکورہ معلومات کو زیادہ سے زیادہ لوگوں تک پہچانے کے لیے سوشل میڈیا پر شیئر کریں۔

Comments

comments

یہ بھی پڑھیں