سیؤل: جنوبی کوریا کے ماہرین نے کتوں کا ایسا پٹہ تیار کیا جو اُن کے بھونکنے کی وجہ سمیت جذبات بتاسکتا ہے۔
بین الاقوامی میڈیا رپورٹ کے مطابق جنوبی کوریا کی پیٹ پلس نامی کمپنی نے مصنوعی ذہانت کی مدد سے ایک ایسا شاندار آلہ ایجاد کیا جو انسانوں کی بڑی مشکل دور کردے گا۔
رپورٹ کے مطابق کتے کے گلے میں پہنایا جانے والا یہ پٹہ اُس کے بھونکنے کی آواز کا مفہوم انسانوں تک پہنچانے کا کام کرے گا۔
کمپنی کے مطابق یہ پٹہ مالک کو بتا سکتا ہے کہ کتا کس وجہ سے بول رہا ہے، اُس کے احساسات کیا ہیں، وہ خوش، پریشان، اداس ہے یا پھر کھیلنا چاہتا ہے۔
رپورٹ کے مطابق پٹے کی تیاری کے بعد اس پر سیؤل نیشنل یونیورسٹی کے اشتراک سے تحقیق بھی کی گئی جس میں یہ بات سامنے آئی کہ کالر نے کتے کے بھونکنے کی صحیح نشاندہی کی۔ماہرین کے مطابق یہ کالر 80 فیصد تک درست وجہ بتاتا ہے۔
Ever wondered what your pet is feeling?
This collar can help detect your dog’s emotion: pic.twitter.com/twS8K7Kxw7
— AJ+ (@ajplus) January 14, 2021
کمپنی نے مالک کی پریشانی کو دور کرنے کے لیے اس کا کنکشن مالک کے موبائل سے رکھا یعنی وہ چائے تو اس میں لگی ڈیوائس کو اسمارٹ فون سے منسلک کرے اور ہر وقت نظر رکھے۔
پیٹ پلس نامی کمپنی نے اس پٹے کو ’پیٹ پلز کالر‘ کا نام دیا ہے، جو کتوں کی حرکات اور اُن کے بھونکنے کا ریکارڈ بھی محفوظ کرے گا۔
