The news is by your side.

Advertisement

موجودہ پاکستان قائد اعظم کا نہیں، یحییٰ کا بچا ہوا پاکستان ہے، مولانا شیرانی

لاہور: اسلامی نظریاتی کونسل کے چیئرمین مولانا محمد خان شیرانی نے کہا ہے کہ موجودہ پاکستان قائداعظم کا نہیں، یحیٰی خان کا بچا ہوا پاکستان ہے، یہ ملک ویلفیئر اسٹیٹ نہیں ہے۔

لاہور میں عصر حاضر کے مسائل اور ہماری ذمہ داریاں کے موضوع پر سیمینار سے خطاب کرتے ہوئے چیئرمین اسلامی نظریاتی کونسل مولانا محمد خان شیرانی کا کہنا تھا کہ ’’موجودہ پاکستان قائداعظم کا نہیں، یحیٰی خان کا بچا ہوا پاکستان ہے‘‘۔

پڑھیں: ’’ بیوی کی تمام ضروریات پوری کرنا شوہر کی ذمہ داری ہے، اسلامی نظریاتی کونسل ‘‘

انہوں نے کہا کہ پاکستان سیکیورٹی اسٹیٹ ہے، ویلفیئر اسٹیٹ نہیں، پہلے پاکستان کو سمجھیں اور اس کے بعد اپنی ذمہ داریوں کا تعین کریں۔ انہوں نے کہا کہ پنجاب حکومت کا خواتین بل مغربی سوچ کی عکاسی تھا۔

مزید پڑھیں: ’’ مرد بھی مظلوم ہیں، حقوق دیے جائیں، اسلامی نظریاتی کونسل میں درخواست ‘‘

یاد رہے گزشتہ دنوں پاکستان کی سالمیت سے متعلق مولانا محمد حان شیرانی نے ایک متنازعہ بیان جاری کیا تھا، جس میں اُن کا کہنا تھا کہ وہ پاکستان کو پانچ حصوں میں تقسیم ہوتا دیکھ رہے ہیں۔

Print Friendly, PDF & Email

Comments

comments

یہ بھی پڑھیں