The news is by your side.

Advertisement

رواں سال 200 کشمیریوں کو جعلی مقابلے میں شہید کیا گیا،ترجمان دفتر خارجہ

اسلام آباد: ترجمان دفتر خارجہ نے بھارتی فوج کے جعلی مقابلوں میں کشمیریوں کے قتل پر شدید مذمت کی ہے۔

تفصیلات کے مطابق حکومت پاکستان نے بھارتی فوج کے ہاتھوں کشمیری نوجوانوں کی شہادت کی مذمت کی ہے اور اسے عالمی انسانی حقوق کی خلاف ورزی قرار دیا ہے۔

زاہد حفیظ چوہدری نے کہا کہ 3 کشمیریوں کو شوپیاں کے علاقے میں جعلی مقابلے میں قتل کیاگیا،اس سال 200 کشمیریوں کوجعلی مقابلے میں شہید کیاگیا۔

ترجمان دفتر خارجہ کا کہنا تھا کہ کشمیریوں کو قتل کے ساتھ پراپرٹی جلا دینا بی جے پی کا ہندوتوا ایجنڈا ہے،ایسے حربوں سے بھارت کو ناکامی ہوئی اور اب وہ کامیاب نہیں ہوگا۔

زاہد حفیظ چوہدری نے کہا کہ عالمی برادری بھارت کی ریاستی دہشت گردی کا نوٹس لے۔ترجمان کا مزید کہنا تھا کہ پاکستان کشمیریوں کی جدوجہد کی حمایت جاری رکھے گا۔

بھارت کا مکروہ چہرہ پھر بے نقاب، جعلی مقابلے میں 3 مزدوروں کو شہید کر دیا

واضح رہے کہ قابض بھارتی فورسز نے آج مقبوضہ کشمیر کے علاقے شوپیاں میں جعلی مقابلے میں 3 مزدوروں کو شہید کیا تھا۔

Comments

یہ بھی پڑھیں