لاہور : اداکارہ میرا نے سال 2019 کو اپنے کامیاب قرار دیتے ہوئے کہا کہ رواں برس جو منصوبہ بندی اسے مکمل کرنے میں کامیاب رہی۔
تفصیلات کے مطابق پاکستانی فلم انڈسٹری کی معروف اداکارہ میرا نے کہا ہے کہ 2019ء کےلئے جو منصوبہ بندی کی تھی اس میں کامیاب رہی ہوں اور اب نئے سال کےلئے سوچ بچار کررہی ہوں، بہت سی فلموں کی پیشکش موجود ہے لیکن صرف اسی پراجیکٹ میں کام کروں گی جس میں مجھے اپنے کردار میں مارجن نظر آئے گا۔
نجی خبر رساں ادارے سے گفتگو کرتے ہوئے میرا نے کہا کہ کوئی میرے بارے میں کیا سوچتا ہے مجھے اس سے کوئی فرق نہیں پڑتا، جو کام میرے دل کو اچھا لگتا ہے میں وہ کرتی ہوں اور میں شاید اپنی اس عادت کو تبدیل نہیں کرسکتی۔
اداکارہ میرا کا کہنا تھا کہ میں نے 2019ء کے لئے جو منصوبہ بندی کی تھی اس میں 100 فیصد کامیابی ملی ہے۔
انہوں نے کہا کہ آئندہ سال کےلئے بھی سوچ بچار کر رہی ہوں تاہم ابھی اسے حتمی شکل نہیں دی۔
میرا کا مزید کہنا تھا کہ صرف معیاری پراجیکٹس کرنا میری ترجیح ہے اور اس پر کاربند رہوں گی کیونکہ لوگ مجھ سے بہترین کام کی توقع کرتے ہیں۔
