کراچی: اے آر وائی ڈیجیٹل کے مقبول ڈرامہ سیریل تھوڑا ساحق عائزہ خان کی جاندار اداکاری کی بدولت مداحوں کی پسندیدگی کا سبب بنا ہوا ہے۔
تفصیلات کے مطابق اے آر وائی ڈیجیٹل پر عائزہ خان کے ڈراموں کی مقبولیت کا سلسلہ جاری ہے، ’میرے پاس تم ہو‘ کے بعد عائزہ کا ایک اور ڈرامہ ’تھوڑا سا حق‘ مداحوں کو بھا گیا ہے، ڈرامے کی نئی قسط کل شب 8 بجے نشر کی جائے گی۔
ڈرامے میں عائزہ خان کے ساتھ عمران عباس ان کی اہلیہ کا کردار ادا کررہے ہیں، ڈرامے میں اب تک یہ دکھایا گیا ہے کہ عمران عباس کے گھر والوں کی جانب سے عائزہ کو جھوٹا طلاق نامہ بھجوایا جاتا ہے اور وہ اس پر دستخط کردیتی ہیں اور گھر چھوڑ کر چلی جاتی ہیں۔
"میں نے تمہارے لیئے الگ گھر لیا ہے جہاں صرف تم اور میں ہوں،
اورتمہیں کوئی بے عزت نہیں کرے گا۔۔۔ ”
Watch #ThoraSaHaq Wednesday at 8:00 PM on ARY Digital pic.twitter.com/CL15EaNqnL— ARY Digital (@arydigitalasia) March 3, 2020
عائزہ خان اپنی بہن کے گھر سکونت اختیار کرتی ہیں جہاں بہن کے شوہر کو عائزہ ایک آنکھ نہیں بھاتی اور وہ مختلف طریقے سے عائزہ پر ظلم و ستم کے پہاڑ توڑنے میں مصروف ہے۔
ایسے میں عائزہ کی نوکری ایک اسکول میں لگ جاتی ہے اور ان کی تنخواہ بھی معقول ہوتی ہے جب بہنوئی کو یہ پتا چلتا ہے تو وہ اس کی تنخواہ ہڑپنے کا بھی منتظر بیٹھا ہے۔
یہ پڑھیں: ’ہفتے کو نفرت اور بدھ کو محبت کرنے کا شکریہ‘
ادھر عمران عباس یہ ثابت کردیتے ہیں کہ ان کے جعلی دستخط کے ذریعے عائزہ کی طلاق کرائی گئی ہے جس پر عائزہ مان تو لیتی ہیں لیکن پھر بھی ان کے ساتھ جانے سے انکار کردیتی ہیں۔
کل کی قسط میں عمران عباس نے عائزہ کے لیے ایک نیا گھر لیا ہے، عمران عباس کا کہنا ہے کہ اس گھر میں صرف تم اور میں ہوں گے اور کوئی تمہیں بے عزت نہیں کرے گا۔