The news is by your side.

Advertisement

احتساب کا نعرہ لگانے والے 2018 کا انتظار کریں، حمزہ شہباز

لاہور: مسلم لیگ ن کے رہنماء و رکن قومی اسمبلی حمزہ شہباز نے کہا ہے کہ احتساب کا نعرہ لگانے والی جماعتیں 2018 کے انتخابات کا انتظار کریں کیونکہ عوام ترقی دینے والوں کو ہی اقتدار میں لانا پسند کرتے ہیں۔

میڈیا سے گفتگو کرتے ہوئے حمزہ شہباز شریف نے کہا کہ کچھ لوگوں کو ملک کی ترقی اچھی نہیں لگ رہی اس لیے وہ لوگ سی پیک کو متنازعہ بنانے کی کوششوں میں لگے ہوئے ہیں۔

پڑھیں:  طویل دھرنے کی گنجائش نہیں، 10 دن میں نتیجہ نکل جانا چاہیے، شیخ‌ رشید

 اسلام آباد مارچ پر تبصرہ کرتے ہوئے حمزہ شہباز کا کہنا تھا کہ ’’2 نومبر کو کچھ نہیں ہوگا، احتساب کا شوق رکھنے والی جماعتیں آئندہ انتخابات کی تیاریاں کریں عوام ووٹ کے ذریعے جماعتوں کا احتساب کرنا بخوبی جانتے ہیں‘‘۔
پاک بھارت کشیدگی پر رہنماء مسلم لیگ ن نے کہا کہ پڑوسی ملک سے برابری کی سطح پر اچھے تعلقات چاہتے ہیں ، اگر انڈیا اس خوش فہمی میں ہے کہ وہ کچھ بھی کر کے پاکستان کو مجبور کرے گا تو یہ اُس کی بھول ہے۔

مزید پڑھیں: ادارے انصاف نہ دیں تو احتجاج کرنا ہمارا حق ہے،عمران خان

عمران خان پر تنقید کرتے ہوئے حمزہ شہباز نے کہاکہ ’’ہمارا مقصد سڑکیں بنانا ہے اور آپ کا اُن کو ناپنا، ہم ملک کو ترقی دیتے رہیں گے اور آپ صرف سڑکیں ہی ناپتے رہیں گے‘‘۔

Comments

comments

یہ بھی پڑھیں