اسلام آباد: دارالحکومت اسلام آباد کے ایئرپورٹ پر اے ایس ایف نے کارروائی کرتے ہوئے 6 ہزار ممنوعہ گولیاں بیرون ملک لے جانے کی کوشش ناکام بنا دی۔
تفصیلات کے مطابق نجی ایئر لائن کی پرواز سے دبئی جانے والے مسافر کے سامان سے ہزاروں ممنوعہ گولیاں برآمد کر لی گئیں۔
بنوں کا رہائشی فریاد اللہ پرواز ای کے 612 کے زریعے دبئی جارہا تھا کہ دوران اسکینگ مسافر کے سامان سے 6 ہزار ممنوعہ گولیاں برآمد ہوئیں۔
ایئرپورٹ سیکورٹی فورس نے ممنوعہ گولیاں ضبط کر لیں اور تفتیش کے بعد مسافر کو سفر کرنے کی اجازت دے دی۔
کلیئرنس ملنے کے بعد مسافر فریاد اللہ پرواز ای کے 612 کے زریعے دبئی روانہ ہوگیا۔ ایف ایس ایف کا کہنا ہے کہ مسافر سے پوچھ گچھ کی گئی اور ابتدائی تفتیش کے بعد اسے جانے کی اجازت دی گئی۔
محمد صلاح الدین اے آروائی نیوز سے وابستہ سینئر صحافی ہیں اور ایوی ایشن سے متعلقہ امور کی رپورٹنگ میں مہارت رکھتے ہیں